Wednesday , June 16 2021

PNTL Detein Ona Suspeitu Halo Asaun Krime Ba ATM Iha Ponte Okos

DILI Post –  Komandu Polisia Nasional Timor Leste (PNTL) Munisipiu Dili liu husi Servisu Informasaun Polisia (SIP) no Unidiade Pesoál Vulneravel (UPV/VPU) Dili ohin detein ona suspeitu mane ida ho inisiál ‘X’  ne’ebe halo asaun kontra ATM iha Ponte okos area postu administrativu Vemassi, Munisipiu Baucau.

Akontesementu ne’e suspeitu rasik maka tula vitima  ATM lao pasiar ikus mai sira nia video viral iha Media Sosial (MedSos) iha selebrasaun ‘Loron Domin’ 14 Feveiru tinan ne’e.

Ho publikasaun iha MedSos ne’e vitima ATM no familia sira rasik hato’o keixa ba PNTL hodi detein suspeitu X.

Tanba, sira  lamenta asaun obriga halo relasaun seksuál hasoru vitima sai virál fali iha rede sosiál ‘faceebok’.

Tuir dadus ne’ebé polisia rekolla, antes atu ba selebrasaun loron domin ne’e, suspeitu X kontaktu vitima ATM sai husi nia hela fatin Badumori- Venilale atu ba pasiar iha tasi Carravela nian, maibé sira kontinua viazen ba Vemassi hodi mosu tentasaun aat iha ponte okos.

Segundu Komandante PNTL Munisipiu Dili, Superintendente Polisia, Euclides Belo informa parte SIP no VIP sei kontinua buka tuir nafatin paradeiru suspeitu mane ida hosi Vemassi ne’ebé lori telefone hodi halo filmajen ba suspeitu no vitima iha Ponte Okos.

“Suspeitu ba tula vitima atu la’o pasiar, ikus mai sira nia vidio sai virál fali, tan ne’e ita sei halo prosesu investigasaun profunda ba suspeitu ida ne’ebé halo filmajen,” afrima Euclides ba jornalista iha Komandu PNTL, Dili, Tersa (16/02) ohin.

Segundu Komandante PNTL Munisipiu Dili ne’e konsidera aktu halo filmazen sein koñesimentu husi nain ka vitima hodi fó sai iha MedSos ne’e  krime kontra ema nia privasidade no sei halo prosesu investigasaun hodi promove kazu refere ba Ministériu Públiku.

Sikun seluk maun husi vitima, Joanico Ricardo Soares esklarese kona ba asaun video ponte okos ne’e akontese iha Vemase Kairabela iha dia 21 janeiru 2021.

“Ami familia nia hakarak kazu ne’e tenke lori ba oin para prosesu tuir lei, tanba kazu ne’e hanesan aktus krime hasoru Vida privada,” tenik Joanico. (Nicky)

About dilipost

Check Also

Ema Deskunesidu Oho Joven Ida Iha Maumali-Ritabou

DILI Post-Ema deskunesidu oho joven ida ho naran Costodio Antonio de Fatima Pascoal iha area …

One comment

  1. Suspeito be ida kaer kamera telf grava video nee nusa la kaer? Se ra que ema nee ho ATM mos vitima hotu ba ida kaer kamera grava nee..e karik investiga mak nia be kaer kamera mak nai rasik ba upload antao nusa mak laos buska mak nia maibe tenke kaer fali mak vitima?.

    Krime tuir art ida ne’ebé los mak atu koodena iha Kódigo Penál? Namedigas atu akuza ho atentado abuzu seksual sera que sira nain rua iha relasaun nudar namorados.

    Faktus ne’e akontese iha 21 Janeiru tia..enkuantu video upload iha 14 Febreiru..se los mak vitima e se los mak halo krimi iha ne’e?

    A não ser iha ema nain rua ne’e intende duni atu halo maluk feto ATM sai vitima ba video e planea duni atu grava e sirkula digitalmente…espera bele iha esklarasaun iha PNTL nia investigasaun ..ita hein..

Leave a Reply

Your email address will not be published. Required fields are marked *