Monday , September 27 2021

PNTL Ho Saneamentu Hamos Lixu Iha Tasi Tolu

DILI Post-Polisia Nasional Timor-Leste (PNTL), liu hosi Komandu Polisia Munisipiu Dili (KPMD) ho ekipa saneamentu halao aktividade hamos lixu iha portaun entrada Tasitolu.

Iha limpeza ne’e Komandante Interino, KPMD Superintendente Xefi, Joao Sancho Pires afirma, aktividade halo limpeza hodi hamos lixu iha area Tasitolu ne’e servisu konjuntu entre ekipa saneamentu no Komandu PNTL Munisipiu Dili.

“Loron rua ba kotuk ita kordena ho ekipa saneamentu, no bombeirus oinsa ita bele limpeza iha Tasitolu hodi hamos lixu sira ne’ebe komunidade sira so’e arbiru iha fatin ne’e, ” dehan Pires ba Jornalista, Sesta (30/07) iha Tasitolu.

Nia hateten, objetivu hosi aktividade limpeja ne’e para bele halo Dili sai sidade ida ne’ebe saudavel.

“Dili ita hotu nian, tanba ne’e husu komunidade atu hamutuk ho polisia no autoridade sira iha Dili ita limpeza ba para Dili sai mos, ” tenik Komandante Interinu KPMD ne’e.

Tuir nia, aktividade ohin invole membru tomak hamutuk ho ekipa saneamentu hodi halo limpeza iha area Tasitolu.

Tuir observasaun Diariu Dili Post, aktividade limpeza ne’e hetan koperasaun di’ak ho komunidade sira ne’ebe halo negosiu iha fatin refere. (mark)

About dilipost

Check Also

L7 Vizita Edifisiu PolTranz Hare Kondisaun Ne’ebe Sira Infrenta

Deputadu ,Cornelio da Conceicao Gama “L7” DILI Post- Vise Prezidente Komisaun B trata asuntu defeza …

Leave a Reply

Your email address will not be published. Required fields are marked *