Monday , September 27 2021

PNTL Kaptura Ona Autor Sunu Eis Merkadu Komoro

Portavoz PNTL, Superintendente Xefi, Arnaldo Araujo

DILI Post-Polisia Nasional Timor-Leste (PNTL), liu hosi servisu konjuntu entre Komandu munisipiu Dili kaptura ona autor ho inisial FAT ne’ebe diskonfia sunu eis merkadu Komoro iha loron (29/07) mais ou menus tuku 04:00 madrugada.

Portavoz PNTL, Superintendente Xefi, Arnaldo Araujo afirma, PNTL kaptura suapeitu refere liu hosi servisu konjuntu entre Komandu PNTL munisipiu Dili, liu hosi Ekuadra Don Aleixo iha area Praia dos Coceiros.

“Hakarak informa ba populasaun tomak, katak hafoin insendu ne’e akontese hosi Servisu Investigasaun Kriminal Nasional (SIKN), servisu konjunta ho Komandu PNTL munisipiu Dili, eskuadra Don Aleixo duni tuir kedan suspeitu, no iha oras dadersan madrugada mais ou menus tuku 05:00 Otl, ekipa identifika suspeito komete tan aktu krime ida hodi harahun vidru rezidensia korpu diplomatiku Nova Zelandia no Australia nian iha area Praias dos Coceiros, no emidiata kaptura kedas suspeitu iha fatin refere hodi transporta kedas mai iha edifisiu SIKN,” dehan nia ba jornalista, liu Konfrensia Imprensa, Kinta (29/07) iha Kuartel Jeral PNTL.

Nia hatutan, hosi prosesu investigasaun ne’e, invistigador notifika autor FAT komete aktu krime oin rua, ida krime iha konkorsu ne’ebe previstu iha kodiku penal artigu 35, no ida seluk konaba krime insendu ne’ebe previstu iha kodiku penal artigu 263, no mos agravadu ne’ebe preve iha kodiku penal atigu 259.

Arnaldo dehan, suspeitu dadaun ne’e detein hela iha sela detensaun komandu PNTL munisipiu Dili hodi submete ba iha primeira interogatiriu iha Tribuna Distrital Dili molok oras 72.

Enkuantu, motivu hosi insendu ne’e seidauk bele fo klarifikasaun tanba kazu refere sei iha hela prosesu investigasaun nian laran.(mark)

About dilipost

Check Also

L7 Vizita Edifisiu PolTranz Hare Kondisaun Ne’ebe Sira Infrenta

Deputadu ,Cornelio da Conceicao Gama “L7” DILI Post- Vise Prezidente Komisaun B trata asuntu defeza …

Leave a Reply

Your email address will not be published. Required fields are marked *