Friday , December 3 2021

PNTL Prende Kilat Anin No Fugetis Iha Microlete Laran Iha Area Tunubibi

DILI Post- Komandu Polisia Nasional Timor-Leste (PNTL), Munisipiu Bobonaro hosi ekipa Alfa no Forsa Rezerva halo patrulla iha área Tunubibi, konsege deteta atividade komersiu ilegál ba kilat anin no foguetes iha área fronteira Indonézia no Timór-Leste.

Komandante Komandu PNTL Munisipiu Bobonaro, Superintendente Antonio Mauluta, deklara kilat anin ilegál ne’e deteta liu husi pasa revista ba transporte publiku sira ne’ebe halo movimentu ba mai iha area fronteira.

“Atu informa de’it ita nia membru PNTL husi ekipa Alfa Forsa Rezerva, lidera husi Ajente Xefi Angelino Barros, hamutuk ho membru nain 3 hala’o patrullamentu la’o ain ba área Tunubibi no deskunfia kareta microlet ida ho numeru matrikula 35.604 tula sasan ilegal, nune’e sira hapara kareta refere hodi halo buska no konsege prende kilat manu marka sharp tiger hamutuk lolon 8 no foguetes hamutuk kaixa 3 iha kareta laran”, informa Antonio Mauluta ba SRP iha Komandu PNTL Munisipiu Bobonaro, Sabadu ne’e.

Mauluta, esplika nia parte asegura ona objetu sira ne’e iha Komandu Munisipiu Bobonaro inklui motorista timor oan ida ho naran inisial AdA, hodi kontinua prosesu investigasaun.

Enkuantu, Komandu Jeral PNTL hatun ona dirativa ba iha komandante Mumisipiu 12, inklui RAEOA, hodi halo pasa ravista ba loja sira ne’ebe diskunfia faan fugetis, aliende ne’e halo patrolimentu iha area fronteira hodi asegura transaksaun ilegal sira, liliu ba fugetis sira.(MrQ)

About dilipost

Check Also

UEP-UPF Kaptura Joven Ida Hatama Tabaku Joker Karon 5 Ho Ilegal

DILI Post– Unidade Espesial Polisia, liu hosi Kompañia Operasaun Espesial (COE) patrulla konjunta ho Unidade …

Leave a Reply

Your email address will not be published. Required fields are marked *