Saturday , October 1 2022

PNTL Realiza Kompetisaun Desportu Hodi Selebra Loron Ezistensia

DILI Post- Polisia Nasionál Timor-Leste (PNTL) selebra loron ezistensia ba dala 22, ho aktividade kompetisaun desportu hanesan dada tali, karega tiru no futebol.

“Atividade desportu ne’ebé ohin ita hala’o ne’e, kontinuasaun hosi kompetisaun ne’ebe mak PNTL loke hahu iha loron 18 fulan Abril ho PNTL cup, i atividade hirak ne’e agora lao dadauk ona, hodi hein rezultadu final iha estadiun Dili iha sabadu,( 26/03), ” dehan Komandante Sentru Formasaun Polisia, Superientidente Xefe Polisia Arquimino Ramos, iha Komoro (24/03).

Nia dehan, Kompetisaun hirak ne’e la’o hotu ona, hein aban (ohin) mak iha karega tiru ba ofisiál superior sira iha Kaitehu Likisa.

Entretantu prémiu ba manán nain sira ne’e, sei fahe iha Domingo loron 27 fulan Marsu ho premiu hanesan, osan no taxa.

“Ba manán nain dahuluk ne’e sei hetan osan ho montante $250, manán nain daruak $200 inklui taxa” haktuit Arquimino.

Aleinde ne’e mos, ezistensia PNTL ba dala-22 ne’e membru hamutuk 4178 ne’ebé mak hetan ona formasaun iha centru formasaun polísia(CFP), nune’e fatin CFP ne’e sei nafatin fatin ba komemorasaun Aniversariu PNTL nian.

“Sentru formasaun ne’e ninia dezafiu mak iha limitasaun Orsamentu ba formasaun, maibé ita hetan nafatin apoiu husi parseira Austrália, ne’ebé apoiu beibeik hodi halo konstrusaun no mós halo formasaun mós ba ita nia membru PNTL sira,” hakotu nia.(pogo)

About dilipost

Check Also

Membru PNTL Ida Mate Iha Hotel Laran

DILI Post -Timoroan ida ho naran inisial SB nudar membru Polisia Nasional Timor Leste (PNTL), …

Leave a Reply

Your email address will not be published.

Advertisement

Advertisement

Advertisement

Advertisement

Advertisement

Advertisement