Sunday , December 4 2022

PNTL-TLPDP Realiza Seminar Auditoria Ba Planu Estratejiku Dezenvolvimentu

DILI Post-Polisia Nasionál Timor-Leste (PNTL), hamutuk Timor-Leste Police Development Programe (TLPDP) realiza seminariu ida hodi koalia kona-ba kestaun auditoria, oinsá atu redezeña planu estratejiku hodi dezenvolve instituisaun PNTL, liuliu ba iha parte Gabinete Jeneiru PNTL nian.

Komandante Jerál PNTL, Komisariu Faustino da Costa, informa PNTL hamutuk TLPDP realiza seminariu hodi koalia kona-ba kestaun auditoria, hodi bele redezenña planu estratejiku dezenvolve instituisaun PNTL iha parte Gabinete Jeneiru PNTL nian.

“Dala barak ema dehan audoria ne’e buat ladiak, maibé liuhosi auditoria ida ne’e, maka ita bele haree hamutuk oinsá redezeña planu estratejiku PNTL oinsá atu dezenvolve instituisaun PNTL liuliu ba iha área jeneiru nian,”hateten Komisariu Faustino ba jornalista, baihira partisipa semnariu ne’ebé organiza hosi Gabinete Jeneiru no TLPDP iha Timor Plaza, Segunda (25/04).

Nia dehan, dadaun parte TLPDP rasik apoia makas PNTL nian liuliu finanseira no fó formasaun kapasitasaun oinsá dezebvolve instituisaun PNTL di’ak liu ba futuru.

Iha fatin hanesan, Xefe Gabinete Jeneiru PNTL, Superientidente Julia da Gama haktuir semaniariu ne’e parte Gabinete Jeneiru PNTL hamutuk ho TLPDP maka realiza atu koalia liu kona-ba auditoria ne’ebé TLPDP sei halo ba institituisaun PNTL, nune’e, ba oin PNTL no TLPDP bele identifika buat balun atu hatama ba planu estratejiku dezenvolvimentu PNTL nian 2023-2027.

“Seminar ne’e PNTL hamutuk TLPDP deskuti kona-ba auditoria ne’ebe TLPDP sei halo ba Komandu PNTL Munisipiu sira, atu bele identifika kestaun balun ne’ebé nesesariu, hodi bele enkaiza iha planu asaun nasionál 2023-2027 liuliu apoiu segransa, formasaun no promosaun sira,” tenik Julia.

Nia hatutan, TLPD durante ne’e apoia makas PNTL liuliu gabinte jeneiru ho finansiamentu nune’e poia atividade kombate violensia, seksuál, asedu seksuál ne’ebé maka sempre mosu no hasa’e igulaidade jeneiru iha institituisaun PNTL.

Nune’e mos Xefe TLPDP iha Timor-Leste Darren Booy, afirma, TLPDP hamutuk Gabinete Jeneiru PNTL nian realiza seminariu atu halo auditoria hodi haree hamutuk progresu koopersaun ne’ebé TLPDP halo ho instituisaun PNTL.

“Nune’e ba oin ba ida ne’ebe nesesita ita bele tau ba iha planu estratejiku PNTL nian, nune’e hamutuk dezemvolve PNTL ho d’ak liutan,” dehan Darren.

Aliende ne’e, nia sira ho komandante Munisipiu sira haree kestaun dezenvolvimentu iha área jeneiru PNTL nian liu husi formasaun, kapasitasaun no apoia ba kombate violensia doméstika no seluk tan. (pogo)

About dilipost

Check Also

Membru PNTL Ida Mate Iha Hotel Laran

DILI Post -Timoroan ida ho naran inisial SB nudar membru Polisia Nasional Timor Leste (PNTL), …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement