Saturday , December 3 2022

Polisia Eskuadra Kristu Rei Hala’o Servisu Iha ‘Kakuluk Dodok No Sen Fruzen’ Nia Okos

DILI Post-Efetivus Polisia Nasional Timor-Leste (PNTL) hamutuk lima nulu resin lima (55) dadaun ne’e kontinua hala’o servisu iha ‘kakuluk dodok no sen fruzen’ nia okos.

Situasaun ne’e akontese ba eskuadra Polisia Kristu Rei ne’ebe kondisaun infrastrutra hahu lahuk dadauk, enkuantu udan membru sira labele halo servisu ho diak, tanba udan ben borus tama laran.

Segundu Komandante Eskuadra Kristurei, Inspetor Asistente, Paulino Carvalho haktuir, situasaun eskuadra Kristurei grave tebes, tanba plafon sira dodok hotu ona, no kalen sira kuak hotu.

“Nia uma kakuluk sira kuak hotu ona, kuandu udan mai ami iha ne’e araska tebes, tanba udan ben tun kedas hosi leten mak to’o mai kraik ami labele halo servisu, ” dehan Paulino ba Jornalista, iha knar fatin, Eskuadra Kristu Rei, Becora-Dili, Tersa (10/05) ohin.

Nia hatutan, wanhira udan tun estraga hotu failidade servisu nian hanesan komputador, inklui fasilidade seluk.

Maske nune’e, nia dehan, kondisaun sira ne’e lasai obstaklu ba sira hodi hala’o sira nian knar hodi servi povu no estadu.

“Ami labele haree ba situasaun sira ne’e, ami esforsu kontinua avansa nafatin, banhira komandu no governu dehan hadia edifisiu foun ami prontu atu servisu, ” tenik Paulino.

Enkuantu hatan ba situasaun ne’e, Komandante PNTL munisipiu Dili, Superintendente Xefi, Henrique da Costa hateten, dadaun ne’e eskuadra eskuadra Kristu Rei sei utiliza hela edifisiu Eis Floresta nian iha tempu Indonezia.

“Agora ita nian eskuadra uja nafatin ida ne’e, mesmo ho kondisaun ne’ebe mak grave, tanba iha tempu udan sira hela iha udan laran, tanba kondisaun plafon sira tabele hotu ona, la seguru atu nune’e sira bele halo servisu, ” dehan Henrique.

Maibe, Komandante ne’e kontinua husu ba membru sira atu kontinua hala’o servisu hodi servi estadu no nasaun.

“Komandu munisipiu Dili sei aprejenta ba iha Komandu jeral PNTL, kontinua ba iha guverno atu nune’e bele tau atensaun ba iha eskuadre Kristurei nian, ” hateten Henrique.

Nia reforsa konaba difikuldade sira ne’e aprejenta ona ba iha Komandu jeral PNTL no kontinua ba iha governu para tau iha planu perioridade.

“Medida balun hosi parte guverno mai halo ona, mai sukat rai ne’e nian no halo izame ba kondisaun ba rai ne’e, agora ita hein deit bainhira mak mai halo konstrusaun ba iha eskuadra ne’e, ” Henrique haktuir.

Enkuantu, konaba eskuadra Don Aleixo, nia dehan, dadaun ne’e hein de’it atu halo asina kontratu ho kompaina ne’ebe manan ona tenderizasaun hodi halo rehabilitasaun ba iha eskuadra refere. (pogo)

About dilipost

Check Also

Membru PNTL Ida Mate Iha Hotel Laran

DILI Post -Timoroan ida ho naran inisial SB nudar membru Polisia Nasional Timor Leste (PNTL), …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement