Friday , May 20 2022

Posibilidade Falur Avansa Lidera F-FDTL, Hafoin Lere Regigna-An

DILI Post-Xefi Estadu Maior Jeral Falentil-Forsa Defeza Timor-leste (F-FDTL), Tenente Jeneral Lere Anan Timur afirma, wainhira nia hosik F-FDTL, posibilidade Vise Xefi Estadu, Maijor Jeneral Domingus Raul ‘Falur Rate Laek’ mak sei subtitui fali ninian fatin.

Xefi Estadu Jeral F-FDTL, Tenente Jeneral Lere dadaun nee halo tinan 70, tanba nee sei lakohi privatize instituisaun refere hanesan ninian, no sei intrega F-FDTL ba fali iha jerasaun tuir mai, hodi foku ba iha familia.

“Ita nudar sidadaun iha rai ida, iha nasaun ida misaun mak rua deit, ida mak servi estadu no servi familia, agora hau tinan barak, hau servi ona estadu, e agora to’o tempu mos hau ba servi hau nian familia,” dehan jeneral Lere, iha Kuartel Naval Hera-Dili, Kuarta(12/01).

Durante vida klosan, Lere dehan tempu barak liu iha ailaran hodi servi nasaun, tan nee aproveita idade neebe mak avansadu hakarak fila ba vida sivil hodi tau matan ba oan no bei oan sira.

Enkuantu konabá ninian rejigansaun, Lere seidauk fo komentariu ida neebe mak serteja, maibe nia dehan, publiku sei hatene, bainhira nia hosik kargu nudar Xefi Estadu Maior Jeral F-FDTL.

“Agora depende kuandu hau sai imi hatene, agora hau labele hatete bele orsida, bele aban, bele bainrua,” tenik jeneral fitun tolu nee.

Maske nunee, Lere dehan figura ida neebe atu subtitui ninian fatin seidauk bele adianta, maibe atomatikamente vise mak tenke subtitui, labele ema seluk.

“Mas automatik nee tenke vise, tanba vise nian komptensia nee kuandu xefi estadu maior jeneral auzente, nia automatikamente tenke okupa ninia fatin, laos komponente ida mak ba, entaun hau sai mos vise iha neeba nafatin,” esplika Lere.

Enkuantu konabá ninian posizaun atu kompete iha elisaun prezidente, nia lakohi fo komentariu, tanba repete bebeik ona, tanba prezidente seidauk anunsia data elisaun nian.

“Hau nudar lider ida, nee ultima kareira ona, se hau kanidata ba prezidente e hau sei ba prezidente nee ultima kareira ona, tinan lima ida nee, tinan lima ida neebe mak anu desivu, tinan ida ke determinante ba futuru nasaun nian,” nia admite.

Aliende ida nee, Lere dehan, wainhira elitu ba prezidente ka la elitu, iha tinan 2027 nia sei apoiu kanidatu prezidente foinsae oan ida.

“Agora hau seidauk bele temi naran mais hau hanoin ona, joven ida neebe mak sai hau nian kanidatu ba prezidente da repúblika, ida nee mak hau nian hakarak,”hakotu Lere. (pogo)

About dilipost

Check Also

Polisia Lá Tolera Ema Kriminozu

DILI Post- Komandante jeral Polisia Nasional Timor-Leste (PNTL), Komisariu Faustino da Costa deklara fo ona …

Leave a Reply

Your email address will not be published.