Saturday , December 3 2022

Povu 11, Deputadu Sa’e Pajero

DILI Post-Dezastre boot no tristeza nusa osan la sosa ai-han ba povu ne’ebé mizeravel. Mandatu ikus sosa karreta halo saida? karreta seidauk to’o tinan lima atu lelaun ou atu hala’o saida.

Tinan-tinan pudia hanoin netik povu ninia moris iha baze barak uma hela fatin la iha, bee moos, edukasaun seidauk kobre no saude, povu seidauk sente saudavel. Bazeia problema hirak ne’e, tansa Parlamentu Nasional (PN), iha hanoin tan sosa karreta Pajero sport 30, ida ne’e hatudu povu hela ho la’o ain ou  011,  reprezentante povu iha PN sa’e Pajero.          

Hanoin didi’ak sira tur iha PN ne’e povu mak hili, mandatu ikus sira preukupa karreta ba hala’o saida. Sira hetan preveleju boot ona agora mandatu ikus sira sosa tan karreta konaba saida. Lia fuan hirak ne’e hato’o husi Vise Dahuluk Asosiasaun HAK, Filomena Barros dos Reis, iha kna’ar fatin Tersa-feira ne’e.

Iha biban ne’e, HAK husu ba PN sosa karreta foun Pajero Sport 30 iha mandatu ikus hodi hala’o saida?

Fatin la hanesan tuir Asia Justice And Rights (AJAR), konsidera deputadu sira ninia polítika lori Estadu ba rai ku’ak. Hateten Diretór Ezekutivu AJAR José Luís de Oliveira, lamentavel tebes ho polítika PN ne’ebé sosa tan karreta foun iha tempu mandatu remata.

Nia dehan, osan nusa la fahe ba ema marjinalizadu, PN sosa karreta la hare ba povu ne’ebé moris ki’ak. Nusa la hare hola karreta ba Polísia ne’ebe hala’o servisu. Guarda Prizaun de’it karreta la iha, prizaun Gleno tenke impresta karreta prizaun Dili tula prizoneiru sira.

Nusa sosa karreta fó ba Institutusaun ne’ebé hala’o servisu, sosa nafatin karreta ba PN konaba saida, deputadu sira karreta barak ona. Sira preveleju hetan buat hotu-hotu, agora sira moris di’ak liu povu ki’ik sira ne’e husik hela terus.

“Ha’u la mentavel tebes, tanba ne’e hatudu momoos deputadu sira ne’e la iha sentidu patriotizmu. La hadomi Nasaun ne’e, sira ninia polítika ne’e atu hala’o Estadu monu ba rai kuak laran de’it. Tanba, ita hatene osan mina ne’e menus ba bei-beik ona,”haktuir Jose.

Nia dehan, Banku Mundiál fó hanoin ona sé kontinua gasta osan hanesan ne’e de’it destinu Estadu la to’o tinan 10 bankrota oan, tanba la iha osan tan. Invez osan mina gasta ba investe buat ruma atu hetan reseita doméstika, maibé osan sira ne’e gasta ba buat ne’ebé la fó benefisiu ba povu no Nasaun.

Entaun, intensaun deputadu sira ne’e hakarak riku de’it no intensaun ba pensaun vitalisia de’it, la iha intensaun ba Nasaun no povu nia vida. Sira nia mandatu atu hotu ona. Sira hakarak hetan karreta foun, tanba ho ida ne’e polítika pensaun vitalisia no aumenta pezu ba Estadu.

Se hadomi Nasaun tenke hala’o polítika ne’ebé iha sustentabilidade, polítika ne’ebé hanoin ba aban bainrua. Polítika ne’ebé preukupa ho bei oan sira. La’ós buka han hotu tiha de’it osan Estadu ba interese privadu. Ne’e hatudu momoos deputadu sira la iha sentidu patriotizmu. Tanba ne’e, la nesesáriu no hatudu momoos sira nia privadu mak domina.(lx)

About dilipost

Check Also

UE Kontinua Fo Asisténsia Politika Finanseira Umanitaria Ba Povu Ukrania

DILI Post-Embaixador Uniaun Europeia (UE) iha Timor-Leste, Adrew Jacobs informa sira kontinua fo apoiu asistensia …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement