Thursday , May 19 2022

PR Lú Olo Marka Ona Data ElPre Iha Dia 19 Marsu 2022

DILI Post – Sabadu (15/1) ohin, Prezidenti Republika (PR) Francisco Guterres ‘Lú Olo’ marka ona data Elesisaun Prezidensial (ElPre) tuir konstituisaun liu husi artigu 86, alinea c, katak sei hili PR ba 2022 – 2027 iha dia 19 Marsu 2022.
 
Bazeia ba artigu 12, númeru 1, hosi Lei númeru 7/2006, 26 dezembru (Lei Eleitorál ba Prezidente Repúblika), ho alterasaun hirak ne’ebé mak halo ona ba Lei ne’e, molok PR dekreta data eleisaun prezidensiál, tenke rona uluk Governu no mós partidu polítiku sira ho asentu iha Parlamentu Nasionál.
 
PR Lú OLo, liuhosi Dekretu númeru 2/2022, ne’ebé publika ohin iha Jornal Repúblika, marka ona data eleisaun prezidensiál nian hodi hili Prezidente Repúblika ba períodu 2022-2027, iha loron 19 fulan-marsu 2022.” relata liu husi Komunikadu Imprensa Casa Sivil iha Palásiu Prezidensiál Nicolau Lobato, Díli, ohin.

Xefi Estadu realsa Tan, Karik rezultadu eleisaun ne’e hatudu katak la iha kandidatu ida mak konsege hetan 50%+1 (metade ho votu ida tan) hosi númeru total votus válidus, iha  eleisaun  ne’e, ita sei tuir fali eleisaun daruak.  Tuir artigu 12, númeru 2, hosi Lei Eleitorál ba Prezidente Repúblika, eleisaun daruak sei halo iha loron tolu-nulu, sura hosi loron eleisaun dahuluk. Ba eleisaun daruak ne’e, sei la presiza ona iha tan dekretu prezidensiál ba markasaun data eleisaun daruak nian.
 
Entertantu Ba eleisaun ida ne’e, Prezidente Repúblika rona ona Governu, partidu polítiku hothotu ho asentu iha Parlamentu Nasionál, Komisaun Nasionál Eleisaun no Sekretariadu Tékniku Administrasaun Eleitorál.(jimm)

About dilipost

Check Also

Virgilio Reativa Dispensaun Prezidente KI

DILI Post–Prezidente Konsellu Imprensa (KI), Virgilio Guteres halo reativasaun ba dispesaun durante fulan tolu nia …

Leave a Reply

Your email address will not be published.