Friday , May 20 2022

Prevensaun Ba Dengue, MS Organiza Funsionariu Halo Limpeza Tama Sai Bairu

DILI Post-Ministeriu Saude (MS) liu hosi Saude Munisipiu Dili organiza funsionariu sira halo limpeza tama sai bairu iha Aldeia 30 de Agostu, Suku Komoro ho objetivu halo prevensaun ba moras Dengue.

Xefi Departamentu Saude Ambiental, Agustino de Oliveira hateten, aktividade limpeza ida ohin organiza hosi saude Munisipiu Dili ho objetivu atu redus numeru moras dengue ne’ebe dadaun ne’e rejista makas iha munisipiu Dili.

“Objetivu halo limpeza ne’e atu redus numeru moras Dengue ne’ebe mak dadaun ne’e numeru sa’e makas iha munisipiu Dili, se ita la halo asaun limpeza hanesan ne’e kazu dengue ne’e numeru sa’e bebeik, kada loron ita rezista nafatin iha sentru saude sira, no Ospital,” dehan nia ba Jornanalista, iha Kampug Baru-Dili, Sesta (07/01).

Nia hatutan, dadaun ne’e iha sentru saude, no postu saude hotu-hotu rezista makas labarik sira ho idade tinan 5 mai kraik afeita moras dengue. Tanba ne’e, aktividade limpeza ne’e sei tama sai bairu hodi halot lata mamuk sira, no feor sira hafoin mak foin halo komigasaun.

“Ami halo ona inkontru ho munisipiu Dili atu bele limpeza iha kada bairu no aldeia hotu, nune’e asaun komigasaun tuir kedan iha fatin ne’ebe mak ita limpeza,” tenik Agustino.

Nia haktuir, aktividade refere sei kontinua iha munisipiu Dili laran hodi bele halo prevensaun ba moras dengue.

Aliende ne’e, nia dehan ekipa MS mos sei tama sai komunidade nian uma hodi tau avante (aimoruk) ba iha fatin be’e nalihun sira, nune’e bele oho susuk nian tolun sira.

Nia dehan, dadaun ne’e avante sufiseinte, tanba stok tama dadaun ona,no tempu badak hotu hotu sei tun halo asaun prevensaun ba iha dengue nian.

Tuir nia, stok ne’ebe atu mai mak malation iha bidon lima, avate hamutuk kaixa 20 ne’ebe sei hatama hosi kompaina ne’ebe manan tenderizasaun hosi Ministeriu Saude.

Enkuantu tuir observasaun Diariu Dili Post ekipa sira ne’e sai hosi sentru saude Komoro lori kedan ho plastik, hodi bele tau feor hanesan lata mamuk, aqua mamuk, no masa mamuk sira ne’ebe fasil para susuk bele tolun.(pogo)

About dilipost

Check Also

EUA Oferese Tan Ekipamentu Médiku Kaixa 60 Ba MS

DILI POST – Ekipamentu mediku kaixa neen nulu (60) apoiu husi Estadus Unidus Amerika (EUA) …

Leave a Reply

Your email address will not be published.