Tuesday , October 19 2021

Prezidente PN Sei La ‘Budu’ Lei Iha Parlamentu

DILI Post- Prezidente Parlamentu Nasional (PN), Aniceto Guterres promete iha ninia mandatau sei la ‘Budu’ lei ne’ebe tama ona iha Parlamentu.

Tanba, to’o 30 Agustu tinan ne’e iha inisiu lejislasaun foun, sei komesa 15 Setembru PN bele despaixa no trata hotu lei ne’ebe barak iha PN.

Ne’e duni, nia haktuir iha Otubru tinan ne’e, PN ninia konsentrasaun ba ona iha Oramentu Jeral Estadu (OJE) 2022.

“Iha hau nia mandatu, hau sei la ‘Budu’ no rai lei ne’ebe tama ona iha Parlamentu,” afirma Prezidente PN ne’e ba jornalista, Kuarta (28/7) iha knar fatin.

Nia relata, sei iha loron 15 antes tama 1 Otubru tinan ne’e sei tarata hotu lei sira ne’e no lei balun nebe la konsege aprova sei husik hela ba 2022. Kuandu lei ne’ebe tama ona diskuti, konkorda halo aprovasaun no la konkorda reprova.

Tanba, tuir planu hosi governu rasik sei hatama OJE 2022 iha loron 1 Outubru tinan ne’e.

Ne’e duni, nia dehan agora dadaun komisaun sira halao sira nia servisu ho mandatu PN ninia.Tanba, iha komisaun rua mak halo hela diskusaun ba lei balun iha espesialide no halo aprovasaun.

Hanesan komisaun A trata pakote lei judisiariu ninia, lei organizasaun funsionamentu tribunais, lei estatutu Ministeriu Publiku ho estatutu majistradu judisiariu no komisaun C tarata lei enkuandramentu orsamentu jestaun finanseiru ninia.

Nia mos relata kona ba lei sira ne’e gora tama ona iha aprovasaun espesialidade no meja PN hein depudatu sira halo hotu durante resesu.

Aliende ne’e liuhosi komisaun permanente bele konvoka penaria extraordinaria halo aprovasaun final global ba lei sira ne’e no bele haruka ba iha Prezidente Repulika atu bele halo promulgasaun.

“Durante tempu resesu la iha ativiade lejislasaun no la iha atividade fiskalizasaun,” tenik Aniceto.

Maibe, nia esplika ho mandatu plenaria ninia komisaun sira bele halao servisu ida ne’e atu aponta lei sira ne’e, antes determina programa resesu.(assa)

About dilipost

Check Also

Inspetor Xefi Mauclau Hakotu Iss iha HNGV

DILI Post-Ofisial Polisia Nasional Timor-Leste (PNTL), ho diviza Inseptor Xefi Mauclau Marcal Amaral Magno (49) …

Leave a Reply

Your email address will not be published. Required fields are marked *