Tuesday , June 28 2022

Prezidente Portugal To’o Ona Iha Aeroportu Nikolau Lobatu

DILI Post-Prezidente Repúblika Portugal, Marcelo Rebelo de Sousa akompaña husi Ministru Negosiu Estranjeiru Portugal João Gomes Gravino no komitiva to’o ona iha Aeroportu Internasional Nikolau Lobatu Dili , Kinta (18/5) ohin, ho avaiun EutoAtlantic iha tuku hitu dader oras Timor Leste.

Prezensa dahuluk Xefi Estadu Portugal ne’e iha Timor Leste, hodi partisipa iha Serimónia Investidura Tomada de posse ba Prezidente Repúblika Demokratika Timor leste (RDTL) foun José Manuel Ramos Horta ba periodu 2022 -2027 ne’ebe sei hala’o iha loron 19 fulan Maiu ne’e iha Tasi Tolu Dili.

Prezidente Repúblika Portugal ne’e mós sei partisipa iha Aniversáriu loron restaurasaun Independensia Timor Leste ba dala rua nulu iha loron 20 fulan Maiu ne’e ,ne’ebe sei festeza iha Palasiu Prezidensial Aitarak Laran Díli.

Durante estadia iha Timor Leste Xefi Estadu Portugal ne’e sei hasoru malu mos ho aktual Primeiru Ministru, Taur Matan Ruak no Prezidente República sesante Francisco Guterres ‘Lú Olo’.

Aleinde husi Prezensa Xefi Estadu Portugal Marcelo Rebelo de Sousa sei vizita mós Universidade Nasionál Timor Lorosa’e (UNTL), eskola Portuguêsa Ruy Cinati Balide, Sentru Aprendizajem Formasaun Eskolar (Sigla Português KAFE) , vizita mos muzeum rejistensia, no mos sei hala’o inagurasaun ba edifisiu foun Embaxada Portugal nian.

Enkuantu, tuir observasaun Dili Post. Online Xefi Estadu Portugal ne’e to’o iha Aeroporto Internasional Nikolau Lobato ,simu direita husi Vise Primeiru Ministru, José Maria Dos Réis no akompaña ho dansa Kultura Tebedai hafoin kontinua ho parada militar hodi lao tama ba sala VIP , molok kontinua ba fatin deskansa ne’ebe Estadu Timor Leste prepara Ona iha Hotel Timor. (JAVEL)

About dilipost

Check Also

Tansa ? MNEK Xina Lá Liu Husi Sala VIP Aeroporto Kompara Ho Bainaka Seluk

DILI Post-Konseleiru Estadu Ka Ministru Negosiu Estranjeiru no Koperasaun (MNEK) Repúblika Popular Xina,Wang Yi ho …

Leave a Reply

Your email address will not be published.