Tuesday , June 28 2022

Ramos Horta Hosik Ona Kargu Nudar Prezidenteb UMDP

DILI Post-Prezidente Uniao dos Movimentos Democraticos e Patrioticos, Jose Ramos Horta iha Sabadu (14/05) ofisialmente hosik ona kargu nudar Prezidente UMDP.

“Portantu ba UMPD agora ha’u rejignaan, tanba labele iha kargu politiku, maibe ha’u sei kolabora, sei konvida ita boot sira, Xara no movimentu sira seluk ba palasiu, ou mai iha ne’e, tanba iha problemas barak,” dehan nia iha nian diskursu bainhira halo sermonia despedida ho membru sira iha Sede UMDP, Hudilaran-Dili (14/05).

Tan ne’e, nia hato’o agradesementu ba membrus UMDP ne’ebe mak halo esforsu makas iha kampaina elisaun prezidensial ronde dahuluk no daruak.

“Ha’u agradese teb-tebes, no hakruk ba sira, iha movimentus barak durante periodu ne’e moris mai UMDP, XARA, MAUQURA-X, no movimentus oioin de’it, konforme rejistus hosi sekretaria hateten ne’e 50 ital movimentus, maibe se movimentus ne’e movimentus duni votasaun ne’e pudia 80 porsentu, la’os 62 porsentu,” dehan Ramos.

Nune’e, nia husu ba moviementus hotu atu servisu makas hodi hasoru elisaun parlamentar ne’ebe mak sei mai.

“Se ita la servisu di’ak liu fali, ne’e ho honestidade no seriadade elisaun parlamentar rezultadu bele la’os hanesan ita mehi, portantu ba oin lider movimentus sira halo analiza didiak ba elisaun preIdensial, analiza didiak situasaun para prepara an ba elisaun parlamentar ne’ebe besik ona, ” nia husu.

Iha fatin hanesan Kordenador Jeral UMDP, Avelino Coelho hatutan, UMDP nudar movimentu siviku,maibe Partidu Sosialista TImor, Partidu Demokrata, Frente Mudansa hanesan mos mentor ba estabilisementu UMDP ne’ebe kompostu hosi movimentus lubuk ida.

Nia hatutan, Movimentua sira ne’e mak iha tinan kotuk por pedidu Kayrala Xanana Gusmao nian, nune’e Jose Ramos Horta mai lidara movimentus siviku ida ne’e, nudar prezidente eleitu iha 25 fulan Setembru 2021.

Maibe tanba, Ramos Horta eleitu ba prezidente republika tuir konstituisaun artigu 78 ema ne’ebe povu hili ona ba kaer kargu nudar prezidsnte republika labele kaer tan kargua sira seluk.

“Tanba ne’e mak konvensaun nasional ne’ebe ha’u kordena delibera ka liberta maun Horta nia knar nudar prezidente UMDP para bele halo knar nudar prrzidente republika ba povu tomak,” Avelino Afirma.

Avelino hateten, bainhira mandatu nudar prezidente republika iha tinan lima hotu, Jose Ramos Horta hakarak fila mai UMDP kontinua simu ho liman rua.

“Kumpri artigu 78 fo sai ba publiku tomak katak hahu ohin mai Jose Ramos Horta la’os ona Prezidente UMDP, maibe prezidente RDTL,” dehan nia.

Enkuantu husu konaba subtituisaun ba kargu Prezidente UMDP, nia dehan, fo tempu fulan ida. sira sei tuur hamutuk hodi deside figura se mak atu troka fali Jose Ramos Horta nia fatin nudar prezidente UMDP.

“Provizoriamente Konvensaun Nasional mak kaer hela knar ne’e to’o segunda konvensaun nasional, ” dehan Nia.

Alende ne’e, iha parte seluk nia mos hakuir UMDP sei kontnua buka meius oinsa atu bele tau forsa hamutuk hodi bele manan iha elisaun parlamentar.

“Movimentu ida ne’e sei kontinua nudar movimentu siviku, e karik ba oin elisaun parlamentar depende ita haree tok oinsa, atu buka modelu para movimentus hotu hotu hamutuk forsa ida de’it para povu vota ba ida de’it para bele manan maioria parlamentar,” hakotu Avelino (pogo)

About dilipost

Check Also

Tansa ? MNEK Xina Lá Liu Husi Sala VIP Aeroporto Kompara Ho Bainaka Seluk

DILI Post-Konseleiru Estadu Ka Ministru Negosiu Estranjeiru no Koperasaun (MNEK) Repúblika Popular Xina,Wang Yi ho …

Leave a Reply

Your email address will not be published.