Tuesday , October 19 2021

Rekuperadu Husi Covid-19, PM Taur Hahu Tama Servisu

DILI Post- Primeiru Ministru ( PM) Taur Matan Ruak rekuperadu ona ona husi moras Covid-19, Tersa Feira (14/09) ne’e hahu tama servisu hanesan xefe governu.

Tuir fontes ne’ebe durante ne’e halo servisu besik ho xefe governu ba jornalista katak PM rekoopera ona husi Covid-19 no iha Tersa Feira ne’e hahu halo servisu babain hanesan xefe governu.

“Sim Primeiru Ministru Taur Matan Ruak ohin hahu tama servisu hodi halo atividade servisu babain hanesan xefe governu,”haktuir fontes ne’ebe husu labele publika nia identidade Tersa ohin.

Entretantu tuir observasaun jornalista iha Tersa Feira ne’e hare Primeiru Ministru Taur Matan Ruak halo atividade servisu iha rezidensia Farol Dili.

Antes nee Ministru Prezidensia Konselu Ministru (MPKM) Fidelis Leite Magalhaes katak iha reuniaun Konselu Ministru ne’e PM Taur Matan Ruak labele prezide tanba infeitadu moras covid-19.

“Auzensia Primeiru Ministru Taur Matan Ruak iha reuniaun Konselu Ministru tanba moras, no liu husi teste ne’ebe ekipa Minesteriu Saúde halo rezultadu fo sai Primeiru Ministru pozitivu covid-19,” dehan Ministru Fidelis Aitarak-Laran, foin lalais ne’e.(niki)

About dilipost

Check Also

PM Taur La Partisipa Reuniaun KM Tanba Afetadu Pozitivu Covid-19

DILI Post – Primeiru Ministru , Taur Matan Ruak, la partisipa reuniaun Konsellu Ministru (KM) …

Leave a Reply

Your email address will not be published. Required fields are marked *