Thursday , May 19 2022

SEFOPE Entrega Ona Traballador Germenino Nia isin Mate Ba Familia Hafoin To’o Aeroporto

DILI Post – Sekretariu Estadu Formasaun Profissional Empregu (SEFOPE) liu husi Diresaun Nasional Empregu Exterior, Filomeno Soares, entrega ona Mate isin traballador timor Oan ba família hafoin to’o iha Aeroporto internasional Nikolau Lobato iha tuku 7.30 dader ne’e ho Aviaun Air North.

Traballador Timor Oan Ho Naran Kompleto Germino De Deus ,Husi Munisipio Ermera Mate Tanba Rai lakan Nakfera Kona iha Austrália bainhira hala’o Hela servisu.

Akomtesementu ne’e iha loron 23 fulan Novembru liu ba ho nia kolega nain rua seluk , nune’e ekipa saúde Austrália nian evakua ba Hospital Darwin ikus mai la konsege salva vida nune’e matebian hakotu i’is iha loron 27 Fulan Novembru tinan ne’e.

Molok matebian Germenino nia isin mate to’o iha Aeroporto Família sira ho sentementu triste hodi hein matebian nia isin mate iha resintu Aeroporto Nikolau Lobatu.

“Ami sente triste tebes Tebes hanesan nakukun ida mak aka ami ,sente lakon hanesan lideransa ida diak mai ami familia.Maibe, tanba dezastre ne’ebe nia hasoru mmi familia maske todan ami familia prontu simu realidade,”espresa Sentimentu triste husi matebian nian alin Lukas Elias Soares ba jornalista, iha Aeroporto, Kuarta ohin.

Alin husi matebian agradese ba Governu ho esforsu tomak hodi lori hikas matebian nia isin mate mai Timor Leste, hodi hala’o serimonia fúnebre tuir tradisional kultura Timor nian.

“Ami lori familia nia naran hato’o agradese wain ba governu liu liu SEFOPE ne’ebe ho esforsu tomak ikus mai bele lori fila matebian nia isin mate to’o iha Timor Lestem.”tenik Lukas.

Iha parte seluk Diretor Nasional Emprego Exterior, Filomeno Soares akresenta prossesu transladasaun mate isin traballador ne’e mai Timor leste Governu servisu humutuk ho Governu Austrália liu husi nia embaixada iha Díli Nomos adidu traballador sira , hodi Aselera prosesu transladasaun ne’e.

“Ita nia prossesu halo transladasaun mai Timor Leste ne’e bainhira nia hetan insidente ne’ebe liu ona iha loron 23 fulan Novembru liu ba iha Austrália no hakotu i’is iha hospital Darwin, liu husi komunikasaun ne’ebe hala’o liu husi komsoladu no embaixada nomos adidu traballador ita nia esforsu aan mak ohin loron Matebian nia isin mate bele to’o iha Timor Leste,”haktuir Filomeno.

Ho oportunidade ne’e nia rekomenda ba traballador hotu ne’ebe dadaun kontinua hala’o servisu iha Austrália atu kuidadu nafatin no tuir sistema ne’ebe iha.

Matebian hahu servisu Austrália iha tinan 2018, no servisu iha área Hortikultura nian, matebian husi Dukurai ,Postu administrativu Letefoho Munisipiu Ermera. (JAVEL).

About dilipost

Check Also

Virgilio Reativa Dispensaun Prezidente KI

DILI Post–Prezidente Konsellu Imprensa (KI), Virgilio Guteres halo reativasaun ba dispesaun durante fulan tolu nia …

Leave a Reply

Your email address will not be published.