Sunday , December 4 2022

SEFOPE Suspende Traballadores Tuir Gostu

DILI  Post-Reprezentante povu iha Uma Fukun Parlamentu Násional (PN), fo kritika maka’as ba Sekretáriu Estadu Formasaun Profissional Empregu (SEFOPE), bazeia ba sistema rekrutamentu traballadores ba Austrália. Tanba, dezkonfia suspende traballadores balun tuir sira nia gostu.

“Ita nia alin sira ne’ebé tuir teste atu ba servisu iha Austrália, liu-liu iha area hortikultura, na’in neen (6), na’in lima (5) maka pasa, Veteranu Kohen nia oan, Mariano lá pasa iha selesaun,”lia duvida hirak ne’e, hateten husi Deputadu Gabriel Soares, hafoin remata sesaun Plenária iha PN, Segunda-feira (26/09).

Tuir Deputadu ne’e, iha loron 15 Agusto 2022, Kompania ne’ebé fó servisu husi área hortikultura presiza Timor oan na’in 6, atu ba servisu iha Austrália, informasaun dirije mai iha área Diresaun Exterior SEFOPE, nune’e fó teste direita no interview via online, ho ema na’in sanulu-resin-tolu (13),  rezulta ema na’in lima konsege pasa. Veteranu nia oan hela, priense ema seluk iha nia fatin.

“Ha’u iha dokumentus ida husi kestaun ne’e. Tanba, ita nia alin na’in 6, hetan dokumentu legal no karimbu. Hosi Diresaun Nasional Empregu Exterior. Maibe, husi sira na’in 6, Veteranu nu’udar ‘Mate Restu Kohen’ husi Munisipiu Manatuto, la pasa iha selesaun rekrutamentu,”deklara Gabriel.

Nia hatutan, iha Diresaun Empregu Exterior konsidera manipularizasaun ba dokumentu refere. Tanba, Veteranu nia oan ne’e liu ‘mutlak’, liu husi interview direta no lian Inglês ho Kompania, rezultadu ikus lá pasa. Aleinde ne’e, hala’o atendimentu iha Diresaun Empregu Exterior hateten Mariano Kohen, hatama dokumentu tarde. Realidade alin substitui dokumentus primeiru, dignifika diresaun ne’e manipula dokumentus.

Alin Mariano Veteranu Kohen nia oan, bainhira rona teki-teki lian iha nia kolega na’in 5, katak foti ema, ida seluk ba priense nia fatin. Tanba ne’e Governu, presiza atensaun. Aman sofre labele haterus tan sira ninia oan sira. Tanba, husi sira maka bele sosa direitu liberdade.

Aleinde ne’e, Veteranu Kohen, rasik maka levanta kestaun ne’e ba PN, dehan katak, SEFOPE liu husi Diresaun Nasional Empregu Exterior, hala’o falsifikasaun ba sistema rekrutamentu.

Hanesan Veteranu Kombatente ba Libertasaun Patria, husu ba parte Komisaun Anti Korupsaun (KAK), presiza hala’o investigasaun direita ba SEFOPE, liu-liu Diresaun Nasional Empregu Exterior (DNEE). Atu labele halimar destinu povu no Nasaun.

Ikus liu Kohen promote sei lori kesatun ne’e, direitamente ba PN. Maibe, nia fó hateten de’it ba Deputadu Gabriel husi Bankada CNRT. Nu’udar reprezentante povu iha Uma Fukun maka levanta Ba Governu.

Husu mos ba Komisaun G presiza atensaun maximu, hanesan Veteranu Kombatente ba Libertasaun Patria, husu nafatin ba KAK, presiza hala’o investigasaun direita ba SEFOPE liu-liu DNEE, atu labele halimar destinu povu no Nasaun.(ari)

About dilipost

Check Also

Ular Metan Iha Berlin

DILI  Post-La sente durante ne’e, atividade hotu-hotu iha Ro Berlin Ramelau la’o normal hela. Maibe, …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement