Friday , May 20 2022

Semana Oin, PN Ho Governu Halo Apresiasaun Ba Orsamentu Retifikativu

DILI Post-Tuir planu semana oin Tersa-feira loron 6 fulan-abríl, Parlamentu Nasionál (PN) ho governu sei diskuti no halo apresiasaun ba orsamentu retifikativu Milliaun $ 223 ho karaktér urjensia.

Prezidente PN, Aniceto Guterres hateten, líder bankada konkorda ona atu halo diskusaun no apresiasaun ba orsamentu retifikativu ne’ebé governu envia ba PN.

“Feriadu paskoa nian, apresiasaun ba pedidu ne’e urjensia ne’e sei halo iha dia 6 Tersa-feira tuku 3 lokraik atu deside pedidu de urjensia ida-ne’e. Ne’e mak anunsiu kona-ba orsamentu retifikativu,” dehan Aniceto, iha plenária, Kuarta-Feira (31/03) iha PN.

Prezidente PN ne’e dehan, enkontru líder bankada deside loron 6 fulan-abríl maka halo apresiasaun ba orsamentu retifikativu, tanba koinsidénsia ho selebrasaun festa paskoa nian.

Entretantu, antes ne’e, loron Tersa-feira (30/03), Ministru Assuntu Parlamentár Komunikasaun Sosiál (MAPKOMS), Francisco Jerónimo, aprezenta ona proposta orsamentu retifikativu ba PN ho montante milliaun $ 223 ne’ebé ho karaktér urjensia.

Maibé, ho montante orsamentu milliaun $ 223 ne’e, foti husi fundu infraestrutura milliaun $ 60.

Enkuantu restu, halo ajustamentu de’it ba orsamentu 2021 ne’ebé aprovadu no promulgadu ona husi xefe estadu.(ajo)

About dilipost

Check Also

Virgilio Reativa Dispensaun Prezidente KI

DILI Post–Prezidente Konsellu Imprensa (KI), Virgilio Guteres halo reativasaun ba dispesaun durante fulan tolu nia …

Leave a Reply

Your email address will not be published.