Tuesday , September 28 2021

Sidadaun Indonezia nain 6 iha hela Prizaun Bekora

DILI Post- Sidadaun Indonezia hamutuk nain neen (6) sei iha hela prizaun Bekora.

Diretor Prizaun Bekora, João Domingos hateten, Prizaun Bekora dadaun ne’e registu maluk kondenadus husi estrangeiru hamutuk nain 11, no 11 ne’e kompostu husi Idonesia nain 6, Xinéza nain 2, Philipina nain 1, no husi India nain 1.

“Sidadaun sira ne’e balu involve iha krimi omesidu, iha krimi droga, iha mos violasaun sexual, vulga agravadu, explorasaun sexual, trafiku umana, no vulga informatika,”dehan João iha kna’ar fatin Bekora ohin

Nia esklarese, entre sira nain 11 ne’e iha nain 2 mak dadaun ne’e sei iha hela prizaun preventiva, ne’e mak India nian ne’ebé iha hela kaju vulga Informatika, nomos ida husi Indonesi ne’ebé komete kaju trafiku umanu.

Antes nee, Prizoneiru nain 11 husi Estranjeiru sei kastigu hela iha Prizaun Timor-Leste.

Diretor Nasional Polisia Sientifika Investigasaun Kriminal (PSIK),Vicente Fernandes Brito hateten, dadaun ne’e sidadaun Estranjeiru hamutuk nain sanulu resin rua mak sei kumpri hela pena iha prizaun Timor-Leste.

“Hosi relatoriu hosi servisu prezional sira, sira hatoo mai katak iha Prizoneiru nain 11 neebé sei kumpri pena iha prizaun laran,” dehan Diretor Nasional PSIK,Vicente Fernandes Brito hafoin partisipa seminariu ida iha salaun Judisiariu, Kaikoli Sesta (16/07).

Nia esklarese, sidadaun sira nee sira nian kastigu too ona metade sira tenke hetan pedidu hosi nian advogadu, no familia nunee bele prosesu ba iha Ministeriu Públiku no Tribunal para atu fo desizaun ba asuntu sira nee.(mark)

About dilipost

Check Also

Kazu Delta III, Tribunal Aplika Prizaun Preventiva Ba Arguidu Nain Tolu, Ida Hetan TIR.

DILI Post-Tribunal Distrital Dili, Kuarta (28/07) ohin, aplika Prizaun Preventiva ba arguidu nain tolu ho …

Leave a Reply

Your email address will not be published. Required fields are marked *