Sunday , December 4 2022

Sidadaun Ne’ebé Lakohi Tuir Teste Swab, Sei Hatama Obrigatóriu Ba Kuarentena No Selu Rasik

Dili Post— Sidadaun ne’ebé mak lakohi kopera ho autoridade saúde hodi halo teste swab, maka sei hatama obrigatóriu sidadaun refere ba kuarentena, maibé selu rasik .

Desizaun ida-ne’e governu foti, hafoin konsellu ministru alterasaun bá dekretu governu n°.14/2021, loron 29 fulan-abríl kona-ba medidas ezekusaun deklarasaun estadu emerjénsia ne’ebé efetua husi dekretu Prezidente Repúblika m°.24/2021, loron 28 fulan-abríl.

Ministru Prezidénsia Konsellu Ministru, Fidelis Leite Magalhães hatete, rajaun governu altera dekretu ezekusaun estadu emerjénsia ne’e, ho objetivu atu posibilita populasaun ba sira submete ba teste swab obrigatóriu, maske sidadaun sira la halo kontaktu besik ba pasiente pozitivu covid-19.

Nune’e, ho alterasaun refere, fó kompeténsia liután ba autoridade saúde sira atu halo teste swab ba sidadaun hotu-hotu iha Timor laran tomak.

“Ba sidadaun hirak ne’ebé mak lakohi kolabora ou hola parte iha swab test ida-ne’e, sei ho forma obrigatória sujeita ba iha kuarentena, wainhira sidadaun tama kuarentena, sidadaun rasik ne’ebé rekuza lakoi halo swab ne’e, nia rasik sei selu kustu kuarentena nian,” dehan Ministru Fidelis, hafoin remata enkontru konsellu ministru iha ministériu finansas, kuarta (05/05/21).

Desizaun ba teste masal obrigatóriu ba sidadaun sira-ne’e, laiha implikasaun kriminal, tanba ne’e desizaun adiministrativa governu nian.

“Maibé desizaun ida-ne’e laiha implikasaun kriminál, ne’e desizaun administrativa governu nian, entaun governu halo hanesan ne’e, governu sei impoin teste iha fati-fatin, liu-liu fatin sira-ne’ebé mak agrega ema barak,” dehan nia.

Alem de ne’e, ba sidadaun nasioanl ou estranjeiru, ne’ebé hakarak fila mai Timor-Leste, tenki hetan autorizasaun prévia husi sala situasaun Sentru Integradu Jestaun Krizi (SIJK) ka governu.

Tanba tuir Fidelis katak, presiza hetan autorizasaun prévia husi governu, nune’e bele haree espasu fatin kaurentana no izolamentu hodi bele akomoda sidadaun hirak ne’ebé mai husi li’ur.

“Wainhira ema mai karik, so governu aseita aviaun ou ema atu tama mai, se wainhira SIJK konfirma katak, sei iha fatin iha izolamentu iha kuarentena, izolamentu sira. Tanba se la’e, ita autoriza tama mai barak liu, maibé laiha kondisoens iha rai laran par atu akomoda,”dehan Governante ne’e

Fidelis Magalhães hatutan, kustu kuarentena ne’e, ministériu saúde mak sei hatur.(ajo)

About dilipost

Check Also

Traballador Ida Mate Iha Korea, SEFOPE Husu Família Pasiensia Hein Prosesu Lori Fila Mate Isin

DILI Post-Diretor Diresaun Nasional Empregu Exterior (DNEE) Sekretariu Estadu Formasaun Profisional No Empregu (SEFOPE),Filomeno Soares …

One comment

  1. Good day! I know this is kinda off topic but I was wondering which blog platform are you using for this website?
    I’m getting tired of WordPress because I’ve had problems with hackers and I’m looking at options for another platform.

    I would be great if you could point me in the direction of a good
    platform.

    My homepage: buy-backlinks.rozblog.com

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement