Wednesday , June 16 2021

Sidadaun Tenke Kumpri Medidas Preventiva Covid-19

DILI Post- Vise Koordenador Forsa Tarefa ba Prevensaun no Mitigasaun Surtu Covid-19, Odete da Silva Viegas afirma sidadaun sira tenke kumpri medidas preventiva surtu Covid-19.

Tanba, nia dehan moras pandemia ne’e amiasa ba ema hotu-hotu no agora amiasa sira ne’e iha ona komunidade nia let, presiza atu proteze an.

“Ita nia komunidade balun ladun aplika medidas preventiva ba Covid-19 no balun lakohi asesu ba iha vasina.Maibe, atu dehan deit amiasa saude publika sei kona ema hotu bainhira la kumpri,”esplika Odete ba jornalista iha Centru Convensaun Dili,Kinta (10/6).

Ne’e duni, nia dehan lakohi moras ne’e atu kona tenke kumpri medidas preventiva Covid-19 uza maskra, fase liman, distansia sosial no dalan ikus liu mak tenke ba vasina.

Tan ne’e, nia sujere sidadaun sira hakarak ka lakohi tenke kumpri protokolu husi Ministeriu Saude kona ba medidas prevensaun Covid ninia tanba saude iha liman rasik.

Nia hatutan, bainhira lakohi kumpri medidas preventiva, konsekuensia mak moras sei kona hadaet liu fali ba familia no iha pontu ida tama iha situasaun grave no bele lakon vida.

“Ita koalia medida preventiva hahu kedas iha 2020 to’o agora. Maibe, ita nia komportamentu komunidade balun kumpri no balun la kumpri,” nia relata.

Tuir nia komunudade sira lakohi kumpri ona medidas preventiva hanesan distansia sosial, uza maskra no distansia sosial tenke ba vasina bele risku tranamisaun sei kiik liu tan.

“Se ita la vasina no la kumpri medidas preventiva mak moras ne’e fasil atu kona ita,” tenik Odete. (assa)

About dilipost

Check Also

MS Lansa Vasina AstraZeneca Doze daruak Hodi Kombate Covid-19

DILI Post- Governu Timor-Leste liu husi Ministeriu Saude(MS) halao Serimonia lansamentu vasina Astra Zeneka doze …

Leave a Reply

Your email address will not be published. Required fields are marked *