Monday , January 23 2023

Dezmantela SIJK Difikulta Prosesu Pagamentu Ba Liña Oin

DILI Post— Dezmantelamentu sala situasaun Sentru Integradu Jestaun Krizi (SIJK) no transfere ba Ministériu Saúde (MS) difikulta realizasaun prosesu pagamentu ekipa liña oin sira.

Ministru Finansas (MF), Fernando Hanjam esplika, bainhira governu seidauk deantela sala situasaun SIJK, proposta sira liña ministériu sira nian atu husu apoiu fundu ruma tenki liu husi SIJK hodi halo verifikasaun no aprovasaun antes haruka ba Ministériu Finansas halo pagamentu.

Tan ne’e, orienta ona ekipa jurídika sira tur hamutuk hodi haree ba kestaun legal sira, nune’e bele realiza pagamentu liu-liu liña frente.

“Relasiona ho suplementu sira ne’ebé agora daudaun sira halo prosesu hela, mas ohin ita-nia difikuldade ida mak tanba sala situasaun ne’e dezmantela tiha. Entaun, ha’u hato’o mós iha ne’e,” informa Ministru Fernando ba jornalista,  Segunda (13/07) iha palásiu Governu. Hafoin remata enkontru regulár ho Primeiru-Ministru (PM), Taur Matan Ruak.

Nia hatutan, iha momentu kuandu normál, dokumentu sira ne’ebé tama tenke iha sala situasaun, depois iha ne’ebá aprovasaun ona mak foin bele lori mai iha sekretáriadu para no fim bele halo prosesu pagamentu.

“Mas dezmantela tiha ona, ha’u halo diskusaun ho suaexelénsia PM, mas ita-nia ekipa jurídiku sei tur hamutuk fila-fali par hodi hare assuntus ida ne’e, tan ne’e ligasaun ho buat legál sira,” esplika Fernando.

Kestaun ne’e, nia mos relata ona ba Xefi Governu, Taur Matan Ruak, kona ba pagamentu suplementu remuneratóriu bá liña frente sira ne’ebé to’o oras ne’e seidauk realiza.

Nia haktuir hanesan balun husi saúde, água e saneamentu no  balun husi estatal nian.

Tuir nia,  agora dadaun prosesa hela para no fim bele halo ona pagamentu.

“Ita  tenke hatene se mak iha nível frontline, se mak iha segundu no se mak iha terseiru, ida ne’e tenke desizaun husi sala situasaun, mais agora sala situasaun dezmantela tiha. Entaun, ha’u lori mai para buka solusaun ida, mas ekipa jurídiku sira sei tur hamutuk,”esklarese Ministru Finanas ne’e.

Tanba, nia dehan agora Governu transfere ona sala situasaun SIJK ba Ministériu Saúde.

Alemde ne’e, Ministru Fernando mos informa bá Xefi Governu, Taur Matan Ruak, kona-ba proposta ne’ebé semana kotuk aprova iha Konsellu Jestaun Fundu covid-19, nune’e bele jere ba atividade sira ne’ebé nia kabementu husi fundu covid-19. (ajo)

About dilipost

Check Also

Ular Metan Iha Berlin

DILI  Post-La sente durante ne’e, atividade hotu-hotu iha Ro Berlin Ramelau la’o normal hela. Maibe, …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement