Monday , September 27 2021

SIJK Rejista Tan Kazu Obitu Nain Ida

Dili Post- Segunda (8/6) ohin, Sentru Integradu Gestaun krize (SIJK) rejista tan kazu Obitu (mate) mane ida tinan 86 husi aldeia Lirio, Suku Motael, Postu Administrativu Vera Cruz, Dili.

Familia ho ekipa saúde sira prepara halo funeral tuir protokolu óbitu ba kazu Covid-19 ne’ebé adopta iha Timor-Leste.

Tuir Koordenador forsa Tarefa ba prevensaun Surtu Covid-19, Rui Maria de Araújo informa kazu óbitu ba loron ohin nain 1 ho idade tinan 86 timoroan.

“Matebian iha istória moras kankru ho mós moras króniku seluk, Iha dia 30 de Maiu deteta pozitivu SARS-CoV-2, hafoin membru familia balun pozitivu iha 26 de Maiu, ” haktuir doutor Rui ba Jornalista, liu husi Meeting Zoom, ohin.

Nia hatutan familia husu autorizasaun atu halo izolamentu terapéutiku domisiliar (ka auto-izolamentu iha uma rasik), maibé matebian i’is kotu iha uma, horiseik, 7 de Juñu 2021.

Nune’e, familia ho ekipa saúde sira prepara hodi halo funeral tuir protokolu óbitu ba kazu Covid-19, ne’ebé adopta iha Timor-Leste.

“Kazu komulativu obitu iha Timor-Leste hamutuk nain 18,” tenik Rui.

Entretantu Timor-Leste ohin loron Tersa 08 fulan Junu Rejista tan kazu foun 98 (Dili 80 no Munisipiu seluk 18), Husi total kazu detetadu foun ohin mane 47, feto 51.

“Kazu detetadu foun ohin, hirak ho idade tinan 12 main 1 ho idade entre. tinan 12- 59 nain 95 (96,9%), ho idade 60 nain2,husi total kazu detetadu foun ohin, proporsaun kazu sintomátiku hamutuk 12,2%,”esplika bia

Nia mos informa ohin kazu rekuperadu 214, kazu ativu 98 no total kazu ativu 2115.

Nune’e Evolusaun Surtu Covid-19 iha Munisipiu seluk hanesan Aileu 7,Baukau 3, Bobonaro 7,Dili 80 no Vikeke 1.(AnY)

About dilipost

Check Also

Inspetor Xefi Mauclau Hakotu Iss iha HNGV

DILI Post-Ofisial Polisia Nasional Timor-Leste (PNTL), ho diviza Inseptor Xefi Mauclau Marcal Amaral Magno (49) …

Leave a Reply

Your email address will not be published. Required fields are marked *