Tuesday , October 19 2021

SIJK Rezista Tan Pozitivu 13, Nain Ida Rekupera

DILI Post – Sentru Integradu Jestaun Krize-Sala Situasaun (SIJK-SS) rezista tan kazu pozitivu nain 13 no rekupera nain 1.

Kordenador Forsa-Tarefa ba Prevensaun no Mitigasaun Surtu Covid-19, Rui Maria de Araújo Informa dadus jeral loron 18 fulan Marsu 2021, Kazu foun 13, rekuperadu 1 no kazu ativu 119.

” Sira ne’ebe hetan pozitivu iha mane nain 9, feto nain 4 , idade entre 11-12 nain 2 no idade 18 to 50 11, Sintomatiku nain 3 no asintomátiku, ka la hatudu Sintomas nain 10,” haktuir Dr Rui ba Jornalista liu husi Meeting Zoom, Kinta,(18/03).

Nia hatutan, evolusaun Surtu Covid-19 iha Munisipiu Dili husi total kazu foun iha leten, main 12 husi Munisipiu Dili, hanesan kazu pozitivu nain 2 hetan kontaziu husi profisonal saude husi Cluster aldeia 05 Suku ho Aldeia são Minguel suku komoro iha HNGV Unidade Hemediolize.

Kazu pozitivu 6 , husi Aldeia Avansa Suku Bairro Pite Postu Administrativu Dom Aleixo Pozitivu ne’e kontaktu besik iha Cluster hanesan ne’ebe anunsiu iha loron 16 Marsu.

Kazu pozitivu 1 iha Aldeia Metin 3,Suku Bebonuk, Postu Administrativu Dom Aleixo. Kazu ne’e ba aprezenta-an iha HNGV hakarak teste tanba deskonfia iha kontaktu-besik ho kazu iha Bebonuk.

Kazu pozitivu 2 iha Aldeia Lirio, Suku Motael, Postu Administrativu Vera Cruz.
Mime’e mos kazu pozitivu 1 iha Aldeia Maucocomate, Suku Becora, Posto Administrativo Cristo Rei Kazu pozitivu ida ne’e kontaktu iha servisu fatin ho kazu ida iha cluster Aldeia Mate Restu,Suku Vila-Verde.

“ Kazu detetadu ka pozitivu iha Munisipiu Dili husi dia 7 de Marsu to’o ohin, hamutuk hotu 95,” tenik Rui.

Nia mos relata kona ba evolusaun Surtu Covid-19 iha Munisipiu Vikeke ohin la iha kazu foun. Ne’e duni, nia dehan atividade no mitigasaun Covid-19 iha Munisipiu sira seluk lao hanesan baibain. (AnY)

About dilipost

Check Also

Inspetor Xefi Mauclau Hakotu Iss iha HNGV

DILI Post-Ofisial Polisia Nasional Timor-Leste (PNTL), ho diviza Inseptor Xefi Mauclau Marcal Amaral Magno (49) …

Leave a Reply

Your email address will not be published. Required fields are marked *