Tuesday , October 19 2021

Sistema Judisiaria TL Hahu Moras Todan

DILI Post – Bankada oposizaun CNRT konsedera sistema judisariu iha Timor-Leste (TL) oras ne’e iha hela moras todan nia laran.

Afirmasaun ne’e deputadu bankada CNRT, Gabriel Soares hato’o tanba haree ba deklarasaun Prokurador Geral Repúblika (PGR) José da Costa Ximenes, iha loron 23 fulan Marsu tinan ne’e.

Hafoin hasoru malu ho Prezidente Repúblika (PR), Francisco Guterres “Lu Olo” la refleta ninia koñesementu hanesan majistradu ida no sistematikamente hafraku tiha sistema justisa iha TL.

Tan ne’e, nia lamenta ho deklarasaun PGR neebé konsedera “notifikasaun ba deputadu CNRT nia bele fo iha merkadu ka iha bankada” deklarasaun ida ne’e minimiza no insulta Parlamentu Nasionál (PN) hanesan orgaun soberania estadu RDTL nian.

Ne’e duni, nia afirma sira halo deklarasaun politika ho estatutu hanesan membru Parlementu nu’udar asaun politika.

“Ami lamenta ho prokurador Jeral nia deklarasaun ne’ebe mak la respeitu separasaun poderes tuir konstituisaun haruka,” dehan deputadu Gabriel, liu husi deklrasaun politika iha fukun PN, Segunda (29/03) ohin.

Deputadu ne’e mós konsedera Prokurador Jeral nia protesta hasoru desizaun tribunal nia nee hatudu momos katak, prokurador jeral minimiza no desvaloriza tribunal nia komptensia nudar orgaun estadu neebé nia desizaun makas liu hotu.

“Se Prokurador Jeral mak kestiona ona desizaun tribunal nia, oinsa mak estadu bele obriga povu kiik sira atu kumpri desizaun tribunal nian,” nia relata.

Nia hatutan, deputadu sira husi CNRT prontu ona atu ba hatan iha tribunal. Maibé, bankada CNRT mantein ho ninia prinsipiu katak, defende konstituisaun no lei sira no halo tuir deit mak prinsipiu no valor estadu direitu RDTL.

“Ida nee mak CNRT kontra prosesu hotu neebé mak la tuir dalan legal ho nunee mak CNRT manifesta ninia lamentasaun no preokupasaun deklarasaun emosional no frustradu husi prokurador,” nia kestiona.

Ne’e duni, nia dehan deklarasaun sira neebé mak hasai husi Prokurador Jeral halai ses husi koridor juridku nia no deklarasaun ida nee mos hatudu katak, prokurador jeral rasik la komprende TL nia kodiku prosesu penal iha artigu 92 numeru 1 neebé mak deskreve.

Tanba, tuir nia notifikasaun ba suspeitu tenke entrega direitamente ba iha pasoal referidu no artigu 93 alinea C neebé deskreve katak, suspeitu tenke asina notifikasaun neebé dirije ba iha suspeitu refere.

Maibe, nia haktuir funsionariu husi Ministériu Públiku la entrega notifikasaun ba iha pesoal deputadu CNRT neebé mak konsedera hanesan suspeitu.

“Ilegalidade ida ne`e mak sai baze fundamental ba iha bankada CNRT hodi husu nolidade notifikasaun husi bankada CNRT,” nia reforsa.(assa)

About dilipost

Check Also

Antes Lori ba Laleia, Ma’hunu Sei Hatoba Iha Muzeu Rezistensia

DILI Post-Tuir planu Domingu (26/09) aban, saudozu Jose Antonio Gomes da Costa kodiku Ma’hunu Bulerek …

Leave a Reply

Your email address will not be published. Required fields are marked *