Tuesday , June 28 2022

Sofre Tensaun Altu, Don Norberto Baixa Iha HNGV

DILI Post – Bispu Dioseze Maliana Don, Norberto Amaral baixa iha Hospital Nasional Guido Valadares (HNGV), tanba sofre moras tensaun altu 190 resin.

Diretor HNGV Marselino Correia hateten, situasaun atakasaun ne’e akontese wainhira Don Norberto iha dalan mai Dili.

“Bispu Maliana hodi kalan mai iha Dili, iha dalan hetan problema atakasaun tensaun ne’ebe sa’e ba 190 resin ne’ebe mak afeta ba nia halo artikulasaun ne’ebe mak ko’alia halo ibun to’os,” dehan Marselino iha HNGV, Bidau-Dili Segunda (28/02) ohin.

Nia haktuir, bainhira lori mai iha Ospital diretamente baixa Iha ICU nune’e mediku sira bele halo atendimentu.
“Agora nia tensaun tu’un no kondisaun normal fila-fali, nia ibun ko’alia to’os ne’e mos normal ona, ” katak Diretor ne’e.

Nia hatutan, dadaun ne’e kondisaun saude Don Norberto nian estavel ona uza ona oksijeniu, maibe sei nafatin baixa iha ICU hodi hein prosessu tuir mai.

“Agora ne’e sei hasai ra’an atu haree nia rezultadu ra’an nian, ” tenik Marselino.

Aliende ne’e, nia dehan Don Norberto antes ne’e sofre fuan Amu Bispu halo ‘chak up’ iha HNGV. (nicky)

About dilipost

Check Also

Izolamentu Vera Cruz Funsiona Hikas Atende Pasiente Corona Virus

DILI Post- Diretora Saúde Munisipiu Díli (SMD) Doutora Agostinha Assegurado informa hahu loron 15 Fevereiru …

Leave a Reply

Your email address will not be published.