Tuesday , June 28 2022

STAE Aileu Deteta Bulletin Votu 78 Nakles

AILEU (DILI Post)-Sekretariu Tekniku Administrasaun Eleitoral (STAE) Munisipiu Aileu deteta bulletin votus hamutuk 78 nakles uluk ona iha Munisipiu Aileu.

Diretor STAE Munisipiu Aileu, Romana de Jesus Alves hateten, sira husi ekipa Tekniku Eleitoral iha verifikasaun identifika bulletin votus hamutuk 78 mak nakles.

Tan ne’e, nia dehan ekipa deside tau karimbu kanseladu sei la uza ona hodi halo votasaun.

“Sim ita identifika duni iha bulletin votus balun noda, numeru serial dupla no balun nakles uluk ona ne’e mak hamutuk 78, tanba ami deside tau karimbu kamseladu ita sei lá uza ona atu halo elisaun,” dehan Romana ba Dili Post online, via telefone Sesta (18/03).

Nia hatutan, material bulletin votus sira ne’ebé mak nakles uluk ona, problema iha prosesu imprime Nasional mak tekniku sira lá haree, tan ne’e iha verifikasaun deteta hetan, halo kedas kamseladu sei lá uza iha votasaun.

“Iha prosesu verifikasaun ba matérial bulletin votus kompostu husi ekipa Tekniku l eleitoral husi STAE, CNE, Brigada no fiskais husi kandidatu Prezidente Republika nain 16 no hetan seguransa masimu husi PNTL Munisipiu Aleiu,” haktuir Diretor STAE Munisipiu Aileu ne’e.

Aliende ne’e, nia dehan ekipa hahu ona halo distribusaun material sentivu no laos sensitivu ba iha sentru votasaun sira iha Munisipiu Aileu hamutuk 73 no estasaun votus hamutuk 80 mak iha Munisipiu Aileu.

“Ohin ami halo ona distribusaun Material sensitivu no laos sensitivu ba iha sentru votasaun ho estasaun votus sira hamutuk 153 iha Munisipiu Aileu, atu bele halo prepasaun ba elisaun prezidensial,” tenik Romana.

Nia mos relata Munisipiu Aileu, iha suku 33 no postu Administrativu hamutuk haat.

Ne’e duni, nia informa kona ba material Bulletin votus ne’ebé ekipa STAE Munisipiu Aileu simu husi nasional iha livru hamutuk rihun 7.055 ho foilla rihun 37.750.

Maibe, nia dehan iha 78 mak nakles uluk ona hela rihun 75.672 mak sei uza ba halo votasaun.

Entertantu tuir dadus sidadaun iha Munisipiu Aileu ne’ebé halo ona resensamentu eleitoral hamutuk rihun 33.603 kompostu husi mane rihun 17. 993 no feto rihun15.610 mak sei tuir eleisaun prezidensial iha tinan 2022. (AnY).

About dilipost

Check Also

Tansa ? MNEK Xina Lá Liu Husi Sala VIP Aeroporto Kompara Ho Bainaka Seluk

DILI Post-Konseleiru Estadu Ka Ministru Negosiu Estranjeiru no Koperasaun (MNEK) Repúblika Popular Xina,Wang Yi ho …

Leave a Reply

Your email address will not be published.