Monday , June 27 2022

Suku Aisirimou Prepara Sentru Votasaun 5

Sekretariu Suku Aisirimou, Sabino Mau Lere

AILEU (DILI Post)- Sentru votasaun lima (5) iha suku Aisirimou Postu Administrativu Aileu Vila prepara ona fatin ba populasaun sira.

Sekretariu Suku Aisirimou, Sabino Mau Lere hateten preparasaun ne’e dadaun prepara hela,oinsa prosesu ba aban nian,ne’ebe ekipa husi STAE, lori ona material sira ne’ebe mak aban atu utiliza.

“Ami prepara fatin hodi rai sasan sira ne’e iha aldeia 5 no sentru votasaun iha 5 ,” dehan Sabino ba Jornalista, iha Sede Suku Aisirimou, Aileu, Sesta (18/03) ohin.

Nia harutan, sentru votasaun 5 ne’e mak hanesan,sede suku rasik,Erkuatun,Sarlala, Aiturilaran no Besilau.

Nia akresenta iha horibain rua nee sira, koalia ho xefe aldeia sira oinsa atu servisu hamutuk ho STAE sira hodi preparasaun ba loron aban nian.

Tuir nia katak, suku Aisirimou ne’e aldeia rua mak konsentra iha ne’e, aldeia tolu seluk vota iha sira nia aldeia rasik, tanba sira distansia dook husi sede suku.

Suku Aisirimou nia total populasaun, hahu husi labarik mai too idozus hamutuk 3422.

“Sira ne’ebe mak atu tuir eleisaun ne’e lista ami hein husi STAE, iha kada tinan ne’e hatama lista mai, maibe tinan ida ne’e sira la hatama, ne’ebe eleisaun hotu mak ami foin hare lista total ne’e,”tenik Sabino.

Ne’e duni, nia dehan sira seidauk hatene ema nain hira mak sei partisipa iha eleisaun iha suku ne’e rasik.(AnY).

About dilipost

Check Also

Tansa ? MNEK Xina Lá Liu Husi Sala VIP Aeroporto Kompara Ho Bainaka Seluk

DILI Post-Konseleiru Estadu Ka Ministru Negosiu Estranjeiru no Koperasaun (MNEK) Repúblika Popular Xina,Wang Yi ho …

Leave a Reply

Your email address will not be published.