Friday , July 30 2021

Susar Atraka, PM Taur Kontinua Agradese Ministro Agustinho

DILI Post-Maske antes ne’e mosu failansu tanba ro tranship II ne’ebe tula Primeiru Ministru Taur Matan Ruak ho nian ekipa susar atraka iha portu Atauro, maibe Taur agradese ba Ministru Transporte no Telekomunikasaun (MTK), Jose Agustino tanba bele autoriza ro refere tula sira mai Atauro.

“Ha’u agradese mos sinhor Ministru Transporte no Telekomunikasaun tanba bele mos autoriza sira bele lori ha’u, no ha’u nian ekipa tomak, ” dehan Taur hafoin inagura Postu UPM Akrema iha Atauro horsehik

Taur rekunese kodisaun ro Tranship II di’ak, tanba ro hotu ne’ebe sirkula iha tasi laran tenke ho kodisaun di’ak, no pelo faktu lori ro seluk mak mai sira nian responsabilidade bo’ot, no ita nian mos bo’ot.

Enkuantu konaba Komisaun Anti Korupsaun (KAK) ne’ebe bandu Ro Tranship II atu labele halo lai operasaun, to’o dadaun ne’e seidauk iha kunesementu konaba kestaun refere.

“Ha’u primeiru Ministru ha’u seidauk hatene loos razaun saida mak suspende, mais Ministru Transporte no Telekomunikasaun hateten ona ne’e tuir regras hotu hotu, tanba ne’e mak ha’u deside uja ro ne’e, enkuantu laiha notifikasaun no la informa mai ha’u razaun saida, ha’u tenke uja, tanba ita selu tiha, depois ita para hela nia, ne’e estadu lakon osan, ” dehan Taur

Xefo Estadu Taur hateten, Dalaruma kapitaun ne’e prmeira vez mak tula Primeiru Ministru, Ministru sira, inklui Komandante Jeral PNTL, tanba ne’e mak nia preokupa.

Maske nune’e, PM Taur agradese ba kapitaun Ro ho nian ekipa tanba bele halo esforsu tomak hodi lori sira to’o fatin ho seguru.(mark)

About dilipost

Check Also

MKAE Atualiza Prosesu Adezaun Ba Organizasaun Mundial Komersiu

DILI Post- Ministro Koordenador asustus ekonomiku(MKAE) Joaquim Amaral enkontru ho primeiru Ministro Taur Matan Ruak …

Leave a Reply

Your email address will not be published. Required fields are marked *