Tuesday , September 28 2021

Naimori Bukar Hetan Suspensaun Pedidu Husi Tribunal Distrital Baucau

Dili Pos – Konseleiru Másimu Partidu Kmanek Haburas Unidade Nasionál Timor Oan (KHUNTO) José dos Santos ‘Naimori Bukar’ hetan suspensaun tanba pedidu mai husi Tribunal Distrital Baucau.

Desizaun ne’e foti liu husi sorumutu Konsellu Estadu, Sengunda ( 26/07) horseik, iha Palasiu Presidensial Nicolau Lobato.

Tuir sumariu Prezidente da Republika deliberasaun Konsellu de Estadu n.o 1 /2021, de 26 de julho, ne’ebe Dili Post asesu, Konsellu Estadu halo mos aprovasaun ba ata de reuniaun anterior husi konsellu de Estadu realiza loron 28 fulan junho 2021, proposta renovasaun estadu emerjensia aprezenta husi Governu no suspensaun husi funsaun hanesan membru Konsellu estadu.

Husi pontus tolu ne’e konsellu estadu ‘desidi’ fo suspensaun ba Naimori Bukar husi membru Konsellu Estadu bazeia karta pedidu husi Tribunal Distrital Baucau ne’ebe hato’o iha loron 21 fulan julho 2021, atu bele partisipa iha audiensia julgamentu ho kazu (númeru prosesu 0039/18.LASIC) ne’ebe marka ba loron 27 fulan julho 2021.

Konsellu estadu foti desizaun ne’e bazeia ba n.o 3 artigu 12.o da Lei n.o 1/2005, 9 de Fevereiru, reafirmado pelu n.o 2 artigu 29. Rejimentu do Konsellu de Estadu, aprovado iha loron 17 de Maiu 2005. (**)

About dilipost

Check Also

Kazu Delta III, Tribunal Aplika Prizaun Preventiva Ba Arguidu Nain Tolu, Ida Hetan TIR.

DILI Post-Tribunal Distrital Dili, Kuarta (28/07) ohin, aplika Prizaun Preventiva ba arguidu nain tolu ho …

Leave a Reply

Your email address will not be published. Required fields are marked *