Tuesday , October 19 2021

Taka atividade Obralan,Negosiante Ejize Responsabilidade Governu Nian Durante ‘Lockdown’

Polisia aprosima hela negosiante obralan iha Aimutin atu kumpri rezulusaun Governu hodi taka provizoriu durante semana ida. Foto Triponio Margues

DILI Post- Komandu Polisia Nasional Timor-Leste (PNTL) Munisipiu Dili kumpri lei no ordem halo operasaun ba negosiante sira ne’ebe la’os faan neseaidade bazika atu taka sira nian aktividade negosiu durante semana ida.

Negosiante obralan Aimutin no Tasi Tolu sente triste ho implementasaun konfinamentu domilisiariu jeral hodi bandu sira labele halo negosiu.

Iha dader tuku 9:30 ekipa patroliamentu hosi komandu PNTL Munisipiu Dili halo operassun hahu hosi Balide ba to’o portu entrada Tasitolu hodi halo sosiizasaun no taka lozas sira ne’ebe la’os faan sasan neseaidade bazika.

Operasaun ne’e konsege identifika iha lozas barak mak la kumpri rezulusaun ne’ebe gobernu aprova ona, konaba konfinamentu domilisiariu jeral, no sidadaun balun la uza maskra, no kontinua halibur malu iha fatin publiku.

Iha intervista, Komandante PNTL Munisipiu Dili, Superintendente Xefi, Henrique da Costa haktuir bazeia ba rezulusaun governu numeru 115/2021dia 27 de Agostu konaba inpoin konfinamentu domilisiariu jeral ba populasaun Dili.

Orientasaun komandu jeral mai iha komandu PNTL Dili. Tan ne’e Sesta feira (27/08) ohin, ekipa konjunta komandu munisipiu Dili husi tranzitu ho forsa rezerva,polisia komunitariu, polisia eskuadra sira hodi tun ba iha terenu hodi informa ba komunidade sira,loza nain sira para labele viola regras ne’ebe mak hatoo ona.

“Horsehik ita aviza ba sira atu bele kumpri, maibe ohin ita uza ona forsa hodi obriga sira para taka, maibe la taka ita sei bolu mai para halo prosesu, ita bele halo investigasaun no submete ba Ministeriu Publiku,” dehan Henrique ba jornalista, ohin.

Konaba sidadaun ne’ebe simu ona vasina kompleta doze daruak, Henrique dehan, iha rezulusaun relata momos ona katak, maske simu ona vasina ba doze daruak nafatin hakmatek iha uma, no labele halo movimentu.

“Ita nafatin implementa tuir regras rezulusaun governu, katak hotu-hotu tenke hakmatek iha uma. Enkuantu, ba sira ne’ebe ba sosa aimoruk, hahan ka ba ospital sira ne’e bele sai,” tenik Henrique.

Ne’e duni, nia dehan operasaun ne’e sei kontinua nune’e sidadaun hotu bele kumpri regras hosi konfinamentu domilisiariu jeral hodi bele hakotu transmisaun surtu covid 19 iha Timor-Leste.

Negosiante Obralan Aimutin, Jose Tilman da Silva Bere sente triste ho implementasaun konfinamentu obrigatoriu jeral tanba bandu sira atu labele loke sira negosiu hanesan obralan.

“Ami taka ami nian OB, mais aban no bainrua ami han saida, ami nia oan dader husu paun, no dosi depois ami lori saida mak fo ba sira, kuitadu estadu mos kumpriende ba, ami ne’e povu kiik, ami ne’e aileba, ami lori susar no terus mak fo han ami nia oan sira, maibe nai ulun sira fulan fulan bele han toba de’it mos simu nafatin osan,” hateten negosiate ne’e, iha Obralan Aimutin-Dili.

Enkuantu konaba perigu hosi surtu covid 19, nia mos preokupa, mais mate tan moras ba nia ida ne’e la problema, maibe mate tanba hamlaha ida ne’e kuitadu bo’ot ida ba governu.

Iha fatin ketak, preokupasaun hanesan mos hato’o hosi Egidia Pereira nudar negosiante obralan iha Tasitolu.

Tan ne’e, nia husu atu governu iha responsabilidade ba populasaun, tanba ho konfinamentu obrigatoriu jeral ne’e halo sira labele hetan osan, tanba aktividade paradu.

“Ami povu ne’e, ami sente triste tanba ho estadu emerjensia ne’e, halo ami taka ami nia aktividade, depois ami laiha servisu, ami nian oan atu han saida, ” lamenta Egidia.

Ho situasaun ne’ebe infrenta sira halerik ba governu atu tau matan ba populasaun, tanba durante semana ida popasaun labele halao aktividade no laiha osan atu sustenta uma laran.

Enkuantu iha rezulusaun ne’ebe fo sai atividade negosiu bele loke ba negosiante modo, hahan no neseaidade baziku sira.

Maibe, ba loza ne’ebe fa’an sasan konatrusaun, ropa, no mevel sei la autoriza atu bele loke atividade. (mark)

About dilipost

Check Also

Komunidade Comoro Selebra Loron Falintil Ho atividade Feira Oioin

DILI Post-Komunidade Suku Komoro, Postu Administrativu Don Aleixo, selebra loron ezistensia Falintil ba dala 46 …

Leave a Reply

Your email address will not be published. Required fields are marked *