Friday , December 2 2022

Tan Bankaria, Lori MNEK Ba Meza Matak

DILI Post-Tan de’it problema konta bankaria no transferensia osan. Hodi nune’e, hamosu desintendimentu entre eis Konsul Jerál  Timor-Leste (TL) ba Sidney Australia Luciano Valentim da Conceição ‘Timor Maubere’ ho Ministra Negosiu Estranjeiru no Kooperasaun (MNEK) Adalzija Albertina Xavier Reis Magno.

Lori malun ba Tribunal ‘Meza Matak’ iha Tribunál  Distritál Dili (TDD). Ho razaun, hahalok ou lala’ok husi Ministra sai hanesan krimi asaun deklarativa de indeminizasaun por faktu ilísitu tuir Artigu 417 husi Kodigu Prosesu Sivil.

Luciano hatutan, tanba sente ofende ba deklarasaun husi atuál MNEK Adalzija  ne’ebé hateten ba públiku bainhira iha Marsu 2021 Governu liu husi MNEK  transfere osan ba konta bankaria Konsul Jerál iha Sidney Australia.

Maibé, iha prosesu tranferensia osan refere la tama konta bankaria Konsul Jerál iha Sidney Australia. Tanba, blokeia ona husi  eis Konsul Jerál iha Sidney Australia Luciano.

Ho deklarasaun ne’e, nu’udar Xefe Misaun iha Australia momentu ne’ebá, assume kargu hanesan Konsul Jerál TL iha Sidney. Iha direitu  hala’o defeza ba nia an. Tanba,  sra. Ministra ninia deklarasaun la’os de’it estraga ninia integridade no pesoal nu’udar xefe misaun.

Maibé, hamo’e naran Nasaun TL iha rai li’ur, partikulamente iha rai Australia. Razaun hirak ne’e deklara husi eis Konsul ba jornalista hafoin  hato’o keixa iha TDD, Tersa-feira (04/10).

Aleinde ne’e, tuir eis Konsuladu ne’e konsidera, deklarasaun husi atuál MNEK Adalzija inkapasidade teknika polítika no diplomasia. Tanba,  Estadu no Nasaun hotu hotu iha ninia Konta Bankaria ofisiál iha rai li’ur, la iha diplomata ne’ebe iha direitu ou kompetensia atu bele muda.

Tuir regras jerais no universál Nasaun no Estadu hotu iha mundu ne’e inklui Estadu TL, diplomata hotu tantu Embaixador ou Konsul Jerál la iha direitu no kompetensia ruma muda ou altera nota Bankaria Estadu.

Nasaun iha Lei propriu só Ministeriu Finansas maka iha direitu ba loke no hala’o alterasaun ba nota bankaria. Hanesan sidadaun sente ofende ba deklarasaun MNEk, nune’e buka lia loos liu husi hato’o keixa ba parte Tribunál atu hetan lia loos. Tanba, sidadaun hotu-hotu iha Lei nia okos, tantu MNEK Adalzija atu bele hetan lia loos.

Liu husi keixa ne’e, nia hateten deklarasaun Ministra ne’e inventadu no bosok. Tanba, fó sofrementu ba misaun diplomata  iha rai li’ur no husi keixa ne’e hanesan sidadaun ejize ninia direitu sala ne’ebé Ministra hala’o  hotu. He’in lori Ministra hato’o ba públiku bele deskobre verdadeiru.

Fatin hanesan  defeza  husi eis  Konsul Jerál  TL ba Sidney Autralia  Luciano Defensór Públku (DP), Sergio Quintas hateten, nia parte  akompaña nia kliente hato’o keixa iha Tribunál hasoru atuál MNEK Adalzija ba kazu ba krimi asaun deklarativa de indeminizasaun pur faktu ilísitu.

Tersa feira ne’e rejista ona iha Tribunál hasoru Estadu, iha kaza ne’e MNEK tanba nia assume hela kargu públiku nu’udar Ministra, ne’ebé faz parte responsavél ba problema konaba responsabilidde sivil, hare liu ba indemizasaun.

Tuir nia, keixa ne’e bazeia ba deklarasaun husi atuál  MNEK Adalzija, eis Konsul TL ba Sidney troka Konta Bankaria. Maibé, regra atu troka Konta Bankaria Konsuladu TL iha rai li’ur kompetensia Ministeriu Finansas (MF), la’os  Embaixadór ou Konsul maka hala’o ida ne’e.

Nia konsidera, Ministra hanesan Xefe Diplomatika kuandu hasai esteidmentu iha públiku la iha verdade  no serteja. Ho deklarasaun ne’e,  hamosu prezuiju  nao patrimoniais no danus nao materiais, ida ne’e agora asistidu sofre hela.

Nia hakuir, Luciano hanesan sidadaun sente la menta ho deklarasaun ne’e hodi hato’o  keiza iha Tribunál atu buka lia loos. Hun ba problema ne’e MNEK Adalzija tanba assume hela kargu públiku nu’udar Ministra.

Entaun, prosesu ne’e kontra Estadu  liu-liu nia faz parte responsavél ba problema konaba responsabilidde sivil, liu-liu ba indemizasaun. Tribuná iha kompetensia tomak defende no indefere ba prosesu ne’e.

“Ha’u fi’ar, iha tempu badak Tribunal bele sita no bolu ona parte kontrariu atu responde,”afirma Luciano.  Entretantu, relasiona  ho keixa refere jornalista tenta konfirma parte MNEK Adaljiza Magno. Maibé, sei iha hela Japaun partisipa serimonia funevre eis Primeiru Ministru Japaun Shinzo Abe  no sei fila hikas  10 Outobru 2022.(lx)

About dilipost

Check Also

Deskonfia MJ Iha ‘Mafia’ Ba Rai

DILI  Post—Reprezentante povu iha Uma Fukun Parlamentu Nasionál (PN) deskonfia iha ‘Mafia’ Konaba rai disputa …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement