Friday , July 30 2021

Taxista La Kumpri Regras SS, no KO PNTL Sei Aplika Multa $ 8 to’o 100 Dolar

DILI Post-Komandu Polisia Munisipiu Dili (KPMD) sei aplika multa hahu hosi $ 8 to’o 100 dolar ba taxista sira ne’ebe kontinua viola regras serka sanitaria (SS), no Konfinamentu Obrigatoriu (KO) hodi halo operasaun tula pasajeirus.

Komandante KPMD, Superintendente Xefi, Henrique da Costa hateten, komandu liu hosi seksaun tranzitu Dilo halo operasaun iha semana kotuk konsege prende taxi lubuk ida ne’e la obdese ba regras SS no KO hodi tula pasajeirus, no aplika multa ba sira.

“Iha tranzitu ne’e sira iha tabela ida minimu hahu hosi dolar $ 8, to’o dolar 9 hanesan ne’e bele mos to’o dolar 100, maibe depende ba ninian infrasaun,” dehan Henrique iha knar fatin, Kaikoli-Dili ohin

Nia hateten, Komandu kontinua halo operasaun ba taxista sira ne’ebe kontinua halo operasaun no wainhira identifika sei haruka sira selu multa tuir tabele infrasaun ne’ebe mak iha ona.

Tanba ne’e, Komandu Polisia Munisipiu Dili husu ba taxista sira, no transporte publiku atu kontinua kumpri regras ne’ebe mak iha, nune’e labele kona multa.

Henrique hataten antes ne’e Komandu Dili bolu ona taxista sira hodi fo atensaun katak sei bandu mikrolte no taxi atu halo operasaun iha tempu serka sanitaria no konfinamentu obrigatoriu, maibe sei la kumpri PNTL sei aplika multa ne’ebe mak todan.(mark)

About dilipost

Check Also

Loron Falintil Sei Prienxe Ho “Tour Falintil Dalan Ba Dame” Iha Ainaro

DILI- Post Xefi Estadu Maiór Jenerál Falintil-Forsa Defeza Timor Leste (F-FDTL) Tenente Jenerál Lere Anan …

Leave a Reply

Your email address will not be published. Required fields are marked *