Wednesday , June 16 2021

TL Simu Tan Dose 76,800 Vasina AstraZeneca

DILI Post- Tuir xegada dose 24,000 vasina COVID-19 liuhusi programa COVAX iha Abril 2021, Timor-Leste (TL) simu tan dose 76,800 vasina Astrazeneca nian iha 9 Juñu 2021.

Ekipa Europa Uniaun Europeia, ninia Estadu-membru sira no Banku Investimentu Europeu sente orgullu atu kontribui ba programa COVAX nian, hodi tulun hodi garante katak timoroan sira bele iha asesu ba vasina, liu husi parseria ho Organizasaun Mundiál Saúde (OMS), inisiativa globál GAVI, UNICEF no parseiru sira seluk.

Asegura katak ema hotu iha asesu ba vasina COVID-19 ne ‘ebé seguru no efetivu sai nu’udar prioridade aas liu ba Uniaun Europeia desde luta kontra pandemia globál ida ne ‘e ne’ebé laiha ema ida mak moris seguru to’o ema hotu seguru.

Aleinde apoiu ba COVAX, Ekipa Europa orgullu tebes fó apoiu ba Timor-Leste iha funu hasoru COVID-19 desde Marsu 2020.

Total apoiu finanseiru ba montante liu USD 6.4 milhoens. Ne ‘e inklui besik millaun USD 1.2, ne’ ebé disponivel ba OMS ba sira nia servisu imediata ba COVID-19 husi Eskritóriu Umanitária Uniaun Europeia nian (ECHO).

Ida ne ‘e abranje mós dolar amerikanu millaun 2.4 ba Organizasaun Mundiál Saúde nian hodi fó apoiu ba ninia servisu hamutuk ho Ministériu Saúde atu hamenus impaktu saúde husi moras hirak ne’ebé bele hada’et iha komunidade nia leet liuliu COVID-19 no kontribui ba konstrusaun sistema saúde nian ne’ ebé forte, efikás no reziliente iha Timor-Leste.

Ekipa Europeia mós fornese ona apoiu liu husi organizasaun sosiedade sivíl sira atu ajuda ema vulnerável sira ne ‘ebé afetadu liu husi COVID, no liu husi Inisiativa Spotlight, foka liu ba asisténsia ba sira ne’ ebé iha risku violénsia doméstika, problema ida ne’ebé sai pior liu tan tanba COVID-19 no restrisaun ba movimentu ne’ ebé presiza.

Embaixadór Uniaun Europeia, Andrew Jacobs sente haksolok tebes ho esforsu hamutuk husi parseiru sira, ohin ami iha tan segunda entrega vasina COVAX nian mai Dili, Timor-Leste.

Ida nee hanesan ilustrasaun diak ida kona-ba solidariedade globál. Uniaun Europeia orgullu hamutuk ho Governu Timor-Leste, OMS, UNICEF, no mós kontribuinte sira seluk hodi halo ida ne’ e akontese.

Ekipa Europa sei kontinua nafatin hamutuk ho povu Timor-Leste iha luta hasoru COVID, hodi ajuda garante katak funu ne’e sei manan.

Programa COVAX ne’e hanesan inisiativa multilaterál ida ne’ebé Ekipa Europa Uniaun Europeia, ninia Estadu-membru sira no Banku Investimentu Europeu – kontribui ona ba dolar amerikanu millaun 2,2 (USD 2.6 biliaun) atu garante realizasaun fornesimentu vasina COVAX hamutuk biliaun 1,3 ba nasaun sira ho rendimentu menus no médiu, inklui Timor-Leste.(assa)

About dilipost

Check Also

MS Lansa Vasina AstraZeneca Doze daruak Hodi Kombate Covid-19

DILI Post- Governu Timor-Leste liu husi Ministeriu Saude(MS) halao Serimonia lansamentu vasina Astra Zeneka doze …

Leave a Reply

Your email address will not be published. Required fields are marked *