Saturday , December 3 2022

Toman Halo Sala Ka’er

DILI Post-Kapturasaun ba buat oin rua de’it, ba Autoridade Kompetente sira liu-liu ba servisu Kriminal sira hanesan Polísia Sientífika Investigasaun Kriminal (PSIK) ho Komisaun Anti Korupsaun (KAK).

Lei atribui ba sira atu hala’o kapturasaun uainhira sira identifika iha indisius ba krime ruma ou sira ka’er toman ho liman ba áktu krime ruma, sira iha kompetinsia, Lei fo ba sira atu hala’o kapturasaun ba sé de’it maka komete krimi.
Ba se de’it uainhira hala’o asaun krimi ruma no kontra bandu tenke ka’er, atu nune’e la bele fo oportunidade ba ema ne’ebe iha hanoin a’at hakarak goza sasan povu nian tenke ba hatan iha Tribunal.

Agora iha buat oin rua de’it, ida bele hala’o kapturasaun pur flagante de leitu, signifika aktus krimi la’o dau-dauk no autoridade sira hetan no ka’er ho liman no sira hala’o kedas kapturasaun ba sé de’it, ida seluk hala’o kapturasaun pur mandadu husi Tribunal.

Bankada opozisaun Partidu Kongresu Nasionál de Rekonstrusaun Timor (CNRT Sigla Portugés), konsidera kapturasaun membru Governu, tanba Iha paiz ema hotu hanesan iha Lei nia oin.

Relasiona ho kapturasaun husi KAK ba membru Governu hodi hala’o Investigasaun kle’an ba kazu Instalasaun Set-top-Box Rttl,E.P. ho nune’e Bankada opozisaun fo komentáriu, primeiru tenke hanoin iha paiz ne’e ema hotu iha Lei nia oin.

Segundu kapturarasaun ida horiseik hanesan parte ida husi faze de Investigasaun nian. “Ha’u rona informasaun katak, kapturasaun ida horiseik ne’e, bazeia ba mandadu husi Juiz Tribunal nian,”hateten Xefe Bankada Partidu CNRT Sigla Portugés, Patrocinio Fernandes ba jornalista iha resintu Parlamentu Nasionál (PN), Tersa-feira (18/10). Tanba, KAK implementa no ezekuta mandadu husi Tribunal hodi foti membru Governu ne’e atu bele submete ba Investigasaun.

Fatin hanesan Prezidente Komisaun A Trata Assuntu Konstitusionál no Justisa, Joaquim dos Santos, haktuir se sidadaun ida hetan notifikasaun husi Orgaun Judisiáriu ruma atu hala’o deklarasaun hodi koopera ho Autoridade Judisiáriu di’ak liu ba, tanba sistema maka nune’e.

Atu sente an katak loos ou sala, la lika hala’o defeza fora husi prosesu, tama iha prosesu laran ba aprezenta razaun. Tanba, pedidu ne’e sira husu ein nome do Estadu ein nome do povu.

Ne’e Konstitusional, Orgaun a’as liu iha Estadu ida foti desizaun ein nome do povu maka Orgaun Judisiáriu, ne’ebé sira bolu tenke ba, atu sala ou loos ba tiha lai.

Kuandu sira bolu dala rua ou dala tolu ba la ba ne’e tama ona iha dezovidensia, kuandu tama ona iha dezovidensia Orgaun Judisiáriu sira uza ona regra entaun mai hala’o buskas.

La iha Lei ida atu Impede hala’o buskas kuandu sidadaun sira dezovidensia Orden Tribunal, ne’e tenke buska. Orgaun Judisiáriu sira haruka seguransa ba buska, tanba dezovidese Tribunal, sei tuir de’it Orden ema la buska arbiru. (che/ari)

About dilipost

Check Also

Deskonfia MJ Iha ‘Mafia’ Ba Rai

DILI  Post—Reprezentante povu iha Uma Fukun Parlamentu Nasionál (PN) deskonfia iha ‘Mafia’ Konaba rai disputa …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement