Monday , September 27 2021

Traballador Australia 270 Sai Husi Sistema SEFOPE

Diretor Jeral Sekretariu Estadu Formasaun Profesional no Empregu, Paulo Alves

Dili Post – Diretor Jeral Sekretariu Estadu Formasaun Profesional no Empregu (SEFOPE) Paulo Alves rekonese iha traballador Timoroan ne’ebe servisu iha Australia halai sai husi sistema.

“Traballador ne’ebe halai ses an husi sistema SEFOPE nian, ita halo ona aprosimasaun ho sira nia familia no halo kontaktu direita ba sira, atu halo kanselamentu ba visa protesaun hodi fila mai Timor-Leste,”afirma Paulo ba jornaliata, iha Kaikoli, Kuarta (12/5).

Nia hatutan bainhira traballador hirak ne’e la halo kanselamentu ba iha visa protesaun, sira labele mai Timor Leste.

Situasaun ne’e rasik hato’o ona ba embaixada Australia iha Timor Leste, traballador sira ne’e Australia proteze no polisia migrasaun labele naran kaer arbiru sira no sira rasik mak halo kanselamentu ba iha visa protesaun hodi nune’e bele fila mai Timor Leste.

“Sira la halo kanselamentu ba iha visa protesaun, sira labele mai Timor Leste,” nia akresenta.

Diretor Jeral SEFOPE ne’e relata mos konaba trabaldor sira ne’ebe nia kontratu remata ona, tuir loloos iha fulan kotuk mai tiha ona Timor Leste, maibe iha momentu ne’e aviaun la mai.

“Iha fulan ida ne’e atu organiza fali traballador iha Australia ne’ebe atu fila ho vou ida,” haktuir Paulo.

Aliende ne’e, nia dehan SEFOPE rasik halo ona kontaktu ho embaxada Australia iha Timor no sira sei ofrese kustu balun hodi apoiu traballador ne’ebe hakarak fila, liu liu ba kuarentina iha Darwin.(assa)

About dilipost

Check Also

Komunidade Comoro Selebra Loron Falintil Ho atividade Feira Oioin

DILI Post-Komunidade Suku Komoro, Postu Administrativu Don Aleixo, selebra loron ezistensia Falintil ba dala 46 …

Leave a Reply

Your email address will not be published. Required fields are marked *