Tuesday , June 28 2022

Traballador Ida Mate Iha Korea, SEFOPE Husu Família Pasiensia Hein Prosesu Lori Fila Mate Isin

DILI Post-Diretor Diresaun Nasional Empregu Exterior (DNEE) Sekretariu Estadu Formasaun Profisional No Empregu (SEFOPE),Filomeno Soares rekonese Traballador Timor oan ho naran João Lucas Assunção Mate iha Korea Do Sul , Maibe SEFOPE Rasik to’o agora seidauk simu Imformasaun Lolos husi Adidu traballador sira tanba iha Prosesu nia laran.

“Informasaun naun formal ita hetan oan ,maibe ita mos seidauk hetan Imformasaun kredivel ka relatoriu husi Hospital nian seidauk ,Kuandu husi Hospital iha nia relata m ba Adidu sira mak foin hato’o mai ita.” Informa Diretor Filomeno ba Dili Post, hafoin asina deklarasaun ho Traballador nain 77 ne’ebé atu ba Servisu iha Australia iha ETDA Fatuhada Tersa (31/5).

Maske seidauk simu Imformasaun Lolos, maibe Diretor DNEE esplika dadaun ne’e adidu trabaldor no Embaxador sira trata hela Dokumentus administrativu nian hodi bele translada fila mate isin mai Timor Leste.

“Traballador ida mate iha Korea ne’e los Duni maibe ita sei hein relatoriu husi ita nia adidu trabaldor no ita nia embaxador sira iha ne’eba,maibe sira halo hela prosesu administrativu oinsa para bele hare aviaun hodi Tula fila trabalhdor ne’e nia isin mate fila mai timor leste. “Deklara Filomeno.

Tanba Prosesu Administrativu ne’e lao Namanas hela iha Korea Do Sul oinsa atu Deporta mate isin isin fila mai timor leste ,mak Diretor DNEE ne’e husu ba Familia Matebian sira Atu pasiensia hodi hein Prosesu tomak.

“Kona ba prosesu atu lori mai timor ne’e mak sei Demora oituan Tanba laiha aviaun regular i ita timor mos laiha aviaun tanba ne’e husu ba familia matebian nian atu pasiensia hodi hein prosesu tomak hodi nune’e bele lori fila mate isin mai timor leste ,tanba ne’e Governu ho governu entre rai rua mak sei rezolve atu lais ga neneik ,familia sira tenki pasiensia hodi hein .” Tenik Filomeno.

Traballador ne’e mate tanba sofre moras Ran Midar ka Hepatitis hafoin lori ba hala’o Treatmentu iha Hospital maibe la konsege salva no to’o ikus hakotu iís.

” nia ba Servisu tiha iha ne’eba (korea),liu tiha fulan rua hanesan ne’e mak nia sofre moras ne’e. ” Informa Diretor DNEE ne’e.

Traballador ne’e husi Munisípiu Ermera ,Postu Administrativo Letefoho Suku Haupu aldeia Lutlala, ho Naran Kompleto João Assunção Luca no hahu servisu iha Korea iha Tinan 2021 Ne’ebé servisu iha Area Peska ka Tasi nian, hafoin sofre tiha moras ne’e Empregador deside Hapara nia servisu hodi ba hala’o tratamentu iha hospital Maibe To’o ikus Hakotu i’is.

Enkuantu Matebian ne’e Hakotu i’is iha Hospital Nam young gereatric iha Loron 29 Fulan maiu ne’e. (JAVEL)

About dilipost

Check Also

Izolamentu Vera Cruz Funsiona Hikas Atende Pasiente Corona Virus

DILI Post- Diretora Saúde Munisipiu Díli (SMD) Doutora Agostinha Assegurado informa hahu loron 15 Fevereiru …

Leave a Reply

Your email address will not be published.