Tuesday , June 28 2022

UE Kontinua Fo Asisténsia Politika Finanseira Umanitaria Ba Povu Ukrania

DILI Post-Embaixador Uniaun Europeia (UE) iha Timor-Leste, Adrew Jacobs informa sira kontinua fo apoiu asistensia politika finanseira umanitaria ba povu Ukrania.

Asuntu ne’e Embaixador UE hato’o bainhira partisipa iha serimonia lansamentu livru Matadalan Reportajen sensivel ba Jéneru iha Novu Turizmu,Segunda(13/06).

“Ita liu ona marka loron atus ida husi Rúsia funu nian ne’ebe la provokadu no injustifikadu hasoru Ukránia.Terus ba ema mate, destruisaun no invazaun ilegal kontinua nafatin tan ne’e Uniaun Europeia nafatin forte no unidu hodi defende Ukránia no orden juridika internasionál,” dehan Embaixador Andrew.

Nia haktuir UE harii ho valór komún sira, inklui direitu fundamentál sira, dame, liberdade, demokrasia no dignidade umana.

“Ami fó nafatin apou ba Ukránia no ninia povu iha krize ida ne’ebe nunka akontese daudaun ne’e no ami sei fó tan asisténsia politika, finanseiru no umanitáriu, ida ne’e laos deit violasaun boot ba lei internasional ida ne’e violasaun ida ba prinsípiu báziku konvivénsia umanu nian,”tenik Embaixador UE ne’e.

Embaixador hatutan valores hirak ne’e sai hanesan baze ba sosiedade no identidade komun.

“Ba demokrasia ida atu haburas, sosiedade sivíl ativu ida no imprensa livre ne’ebe garante pluralizmu mak nesesariu. Ida ne’e mak garantia ba ita nia direitu no liberdade fundamentál sira. Ida ne’e fó dalan mai ita atu koalia no hetan informasaun husi imprensa ida ne’ebe livre,”, hakotu nia.(AnY).

About dilipost

Check Also

MNEK Xina To’o Díli Sei Hasoru Uluk Taur Molok Ba Horta -Xanana No Alkatiri

DILI Post- Komseleiru Estadu Ka Ministru Negosiu Estranjeiru Repúblika Popular Xina ,Mr.Wang Yi to’o ona …

Leave a Reply

Your email address will not be published.