Friday , July 30 2021

UE-UNDP Entrega Ekipamentus Informatika Ba KAK

DILI Post- União Europeia (UE) ho UNDP entrega ekipamentus informatika ba iha Komisaun Anti Korupsaun (KAK).

Ekipamentus hirak ne’e hanesan laptop hamutuk rua nulu resin lima, adaptor multiportu nian hamutuk rua nulu resin rua, layar haat no UPS rua, hamutuk ho pakote Microsoft Office, sei uza ba instituisaun ne’ e atu estabelese solusaun foun IT nian sira ba prevensaun no hamenus korrupsaun no garante kontinuidade.

Tan ne’e, iha loron 8 fulan Juñu tinan 2021 UE no Programa Nasoins Unidas ba Dezenvolvimentu (PNUD) entrega
ona ekipamentu informátiku lubuk ida ba KAK.

Hodi reforsa kapasidade dijitál instituisaun ne’e nian, liuliu iha tempu ne’ebé funsionáriu barak tenke serbisu dook husi uma.

Inisiativa ne ‘e halo parte ba dezenvolvimentu kapasidade institusionál no resposta ba COVID-19 iha Projetu Pro PALOP.

Projetu ne’ e ninia objetivu mak atu hametin governasaun efetiva husi nasaun sira ne’ebe ko’alia lian portugés iha Áfrika no Timor-Leste, ne ‘ebé fahe kuadru lejizlativu ne’ebé hanesan.

Projetu ne ‘e tulun dezenvolve estratéjia Anti-Korrupsaun no kampaña divulgasaun hodi prevene korrupsaun, hamutuk ho apoiu husi ICT.

KAK nu’ udar instituisaun foun ida iha Timor-Leste estabelese iha 2010 ho nia papél ne ‘ebé aumenta hodi monitoriza rekursu estadu nian.

Aleinde instituisaun supervizaun sira seluk, KAK nia papél iha prevensaun no kombate korrupsaun subliña ona dezde aprovasaun Lei Anti-Korrupsaun iha
2020.

Nune’ e, apoiu ICT konsidera tuir tempu no relevante tebes ba KAK.

Iha eventu ne’e, Embaixadór UE, Andrew Jacobs, ko’ alia kona-ba importánsia husi KAK nia funsaun no mandatu prinsipál sira no apoiu ne’e nian

“Hanesan sinál klaru ida husi UE nia kompromisu ba Estadu Direitu, transparénsia no fortalesimentu governasaun demokrátika no ekonómika iha Timor-Leste,”dehan Andrew.

Nia hatutan, PNUD iha Timor Leste suporta ona KAK dezde nia faze inisiu hodi fornese treinamentu ba forsa
servisu nian.

Nune’e mos PNUD nia apoiu ba KAK foin lalais ne ‘e foka liu ba aspetu prevensaun nian, hanesan dezenvolve avaliasaun diagnóstiku anti korupsaujn nian no formasaun manual no hala’ o kampaña divulgasaun ba funsionáriu públiku no públiku.

UE fó mós apoiu ba KAK, nune ‘e mós ba instituisaun importante sira seluk atu tau matan ba transparénsia orsamentál, liuhusi programa apoiu nian ba Jestaun Finansas Públikas – PFMO, ne’ ebé ninia objetivu mak atu reforsa kapasidade órgaun supervizaun orsamentál timoroan sira nian.

Iha instituisaun KAK no PCIC, Parlamentu Nasionál, Inspesaun Jerál, Kámara Kontas hodi garante katak sira bele hala ‘o sira-nia funsaun no mandatu ho forma independente.

PFMO mós apoia meiu komunikasaun sosiál no organizasaun sosiedade sivíl nian sira.

Apoiu ekipamentu informatika nian ba KAK hanesan parte ida husi “Programa ba Consolidação da Governação Económica e Sistemas de Gestão das Finanças Públicas nos PALOP-TL – Fase II, hetan finansiamentu husi Uniaun Europeia no PNUD.(assa)

About dilipost

Check Also

Sidadaun Indonezia nain 6 iha hela Prizaun Bekora

DILI Post- Sidadaun Indonezia hamutuk nain neen (6) sei iha hela prizaun Bekora. Diretor Prizaun …

Leave a Reply

Your email address will not be published. Required fields are marked *