Saturday , December 3 2022

Ular Metan Iha Berlin

DILI  Post-La sente durante ne’e, atividade hotu-hotu iha Ro Berlin Ramelau la’o normal hela. Maibe, realidade buat balun maka la loos ‘beres’ iha kobransa iliegal ne’ebe hala’o husi ‘brokers’ balun ba pazajeirus sira.

Maske, sira sosa bilhete. Ida ne’e, signifika ‘brokres’ sira sai fali hanesan ‘lintah darat’ ou ular metan ne’ebe moris iha mota ku’ak ou kafe laran, supa tiha ema nia ra’an ikus mai bosu monu rarsik.    

Relasiona ho problema hirak ne’e, reprezentante povu iha Uma Fukun Parlamentu Nasionál (PN), levanta iha meza Plenaria husi Fabião de Oliveira, Tersa-feira (27/09).

Fabião deskonfia ‘Brokers’ balun hala’o Kobransa ilegal Iha Ró Berlin Ramelau. Ho razaun hirak ne’e, husu ba Administrasaun dos Portos Timor-Leste (APORTIL) toma atensaun.

Maski, pasajeirus sira sosa ona bilhete inklui bilhete ba sasán ou naha nian. Tanba ne’e, nu’udar reprezentante povu iha PN lamenta ho atitude hirak ne’e. Nia reafirma, muito bem tiket ne’ebé pazajeirus sira hola ho mós sasán nian.

Depois, pasajeirus sira hodi sasán tama ba iha Ró laran, iha tan kobransa ilegal ne’ebé hala’o ba populasaun ou pazajeirus sira atu tau sasán iha Ró laran. La mentavel, informasaun hirak ne’e hato’o husi pazajeirus sira.

Fabião hato’o preukupasaun hirak ne’e, atu husu ba APOTIL hodi bele haree diretamente ba irregularidade ne’ebé komete husi ema balun ne’ebé inresponsabilidade iha Ró Berlin Ramelau.

Aleinde ne’e, husu ba Ministeriu Assuntu Parlamentu no Komunikasaun Sosiál (MAPKOMS), atu hato’o ba Ministeriu Transporte no Komunikasaun (MTK) hodi bele kanaliza informasaun ba Prezidente APORTIL.

Fatin hanesan, Deputada Olinda Guterres mós sekunda ho problema ne’ebe akontese iha Ro Berlin Ramelau. “Ha’u la iha apoiu ba ida ne’e ou ne’ebá. Maibé, kuandu iha APORTIL ne’ebá ema husi Partidu Kmanek Haburas Unidade Nasionál Timor Oan (KHUNTO) maka servisu iha APORTIL la kle’ur ha’u rasik bele ‘ezonera’ nia, tanba nia servisu inkapasidade tenke ‘ejonera,”realsa nia.

Nia hatutan, la’ós ba Partidu KHUNTO de’it. Maibé, ba sé de’it kuandu servisu la loos nia sei ko’alia ho Ministeriu Transporte no Komunikasaun (MTK) hodi hala’o ejonerasaun ba nia. La’ós katak, ninia ema ne’ebé nia tenke apoiu nia la’e. Kuandu servisu la loos tenke sai husi fatin ne’ebá, tau fila-fali ba ema seluk.(Che)

About dilipost

Check Also

SEFOPE Suspende Traballadores Tuir Gostu

DILI  Post-Reprezentante povu iha Uma Fukun Parlamentu Násional (PN), fo kritika maka’as ba Sekretáriu Estadu …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement