Sunday , October 2 2022

UPF Kaptura Sidadaun Indonezia Faan Sosis Tama Ilegal Mai TL

DILI Post-Unidade Patroliamentu Fronteira (UPF) kaptura sidadaun Indonezia ida ne’ebe faan sosis hodi tama ilegal mai Timor-Leste (TL).

Komandante UPF, Superintendente Polisia, Euclides Belo relata, iha semana kotuk UPF halo kapturasaun ba sidadaun Indonezia ida ne’ebe faan sosis tama ilegal mai TL.”Iha kazu ida halo transaksaun ilegal ho sidadaun Timor Leste faan sosis, ita kaptura tanba nia tama liu mai area Timor-Leste nian, e emidiatamente UPF intrega ba Servisu Migrasaun no halo kedan deportasaun, ” dehan Euclides ba Dili Post iha Kuartel Jeral PNTL foin lalais ne’e.

Maske iha lina fronteira entre Republika Indonezia no TL laiha moru, maibe UPF utiliza JPX hodi halo kontrulu iha area fronteira.

Nia dehan, kazu transaksaun ilegal ne’e tanba nesesidade moris mak obriga.

“Sira ne’ebe mak desobidensia ba lei ita kaptura, no intrega ba servisu migrasaun hodi halo prosesu dsportasaun,” dehan nia.

Enkuantu husu konaba durante ne’e ema nain hira ona mak UPF kaptura tanba komete iha transaksaun ilegal. Eclides dehan, nia seidauk bele fo total ema nain hira tanba dadus hotu iha Kuartel UPF, no tempu badak sei submete ba Komandu Jeral hodi bele fo sai ba publiku liu hosi Portavoz PNTL. (pogo)

About dilipost

Check Also

Membru PNTL Ida Mate Iha Hotel Laran

DILI Post -Timoroan ida ho naran inisial SB nudar membru Polisia Nasional Timor Leste (PNTL), …

Leave a Reply

Your email address will not be published.

Advertisement

Advertisement

Advertisement

Advertisement

Advertisement

Advertisement