Monday , December 6 2021

UPF Kaptura Sidadaun Nain 12 Iha Fronteira

DILI Post-Unidade Patrolia Fronteira (UPF) kaptura sidadaun nain 12 iha area fronteira Munisipiu Bobonaro, tanba hakat ilegal no halo transaksaun ilegal.

Komandante Unidade Patroliamentu Fronteira (UPF), superintendente polisia, Euclides Belo hateten, komandu UPF kontinua halo operasaun iha area fronteira hodi garante aktividade ilegal ne’ebe kontinua la’o.

“Ami nafatin halo operasaun kordenamentu ho komandu munisipiu tolu, tanba ne’e mak iha semana ida ne’e hahu hosi dia 1 fulan novembru to’o dia 15 fulan novembru UPF kaptura sidadaun nain 12,” dehan nia iha Kuartel Jeral PNTL, (16/11) hafoin partisipa inkontru ho Komandante Jeral PNTL, Komisariu Faustino da Costa konaba avaliasaun servisu.

Nia dehan tan, sidadaun nain 12 ne’e ho justifikasaun, nain rua nudar estudante Timoroan ne’ebe tama ilegalmente mai TL, no aprejenta an ba postu UPF, hafoin UPF intrega ba Sentru Jestaun Krize (SIJK) hodi subemete ba kuarantena.

Aliende ida ne’e, iha mos sidadaun nain hitu ne’ebe halo transaksaun ilegal direitamente, no sidadaun nain tolu halo kontaktu vizita familia iha mota sorin.

“Sidadaun nain 12 ne’ebe mak ha’u temi ne’e ho justifjkasaun maka estudante nain rua maka ilegal, no halo transakasaun ilegal direitamente nain hitu, no ilegal direita sai va vizita familia ne’e nain tolu, ” dehan nia.

Enkuantu sidadaun nain 12 UPF kaptura sira hotu iha area operasaun lina fronteira no intrega kedas ba sala situasaun hodi submete ba kuerantena, hafoin mak foin prosesu tuir prosedementu legal ne’ebe mak kodiku prosesu penal hakerek.

“Sira ita kaptura iha area kompaina Alfa Bobonaro nian,” hakotu nia.

Aliende ne’e, evidensia sira ne’ebe UPF halo aprensaun hanesan fahi ko manu intrega hotu ba kuerantena, aguarda ba kuerantena hafoin mak prosesu remata, depois hein prosesu hosi tribunal.(mark)

About dilipost

Check Also

Vise MI Hato’o Parabens Ba Loron Feto Servisu Imigrasaun Ba Dala VI

DILI Post-Vise Ministru Interior (MI), Antonio Armindo hato’o parabens ba loron feto servisu migrasaun ba …

Leave a Reply

Your email address will not be published. Required fields are marked *