Monday , December 6 2021

UPM Kontinua Asegura Ekipamentus Perfurasaun Mina Iha Covalima

DILI Post-Polisia Nasional Timor-Leste (PNTL), liu hosi Unidade Polisia Maritima (UPM) kontinua apoiu siguransa masimu ba ekipamentu perfurasaun mina hosi Kompania Timor Source iha Munisipiu Covalima.

Komandante UPM, Superintendente Polisia Basilio de Jesus hateten, misaun UPM mak atu asegura siguransa iha tasi Timor no portuariu sira.

“Ba iha Unidade Maritima nia foka liu ba iha siguransa portuariu, iha postu Suai loro mak fatin ida ke urjentemente atraka ro hosi Timor source ba ne’eba hodi hatun ekipamentu pezadu ne’ebe atu utiliza hodi halo perfurasaun mina nian,” dehan nia iha knar fatin, Kuartel UPM, Lecidere-Dili, Kinta(07/10).

Tuir nia, Komesa kedan tinan 2020 to’o dadaun ne’e UPM nafatin apoiu siguransa ba iha ekipamentus pezadus timor source nian ne’ebe tula hosi Ro mai hosi Indonezia hodi hatun ekipamentus pezada.

“Agora iha domingu foin lalais, ro atraka iha ne’eba lori ekipamentus perfurasaun mina, entaun iha ne’eba mos ita iha seksaun rua, kuaze 18 pesoas UPM mak kolokadu iha postu Suai loro, postu vizilansia mota masin fronteira,” dehan Basilio.

Nia esplika, UPM nia papel mak atu asegura siguransa iha portuariu Suai loro, dadaun ne’e UPM postu Suai loro halo hela siguransa ba iha ekipamentus sira ne’ebe mak mai hosi estranjeirus, no dadaun ne’e, sasan sira ne”e butuk hela iha postu UPM Suai loro.

“Ha’u orienta ona komandante postu, no mos komandante seksaun movel ida hosi Dili ba apoiu iha ne’eba, hodi apoiu siguransa masimu ba ekipamentus sira ne’e, antes ekipamentus sira ne’e sira muda fila fali hosi UPM ba zona perfirasaun,”tenik nia.

Komandante UPM ne’e haktuir, dadaun ne’e nia orienta ona komamdante no membru sira atu fo siguransa masimu ba ekipamentus sira ho nune’e ekipamentus labele hetan estragus hosi ema sira ne’ebe mak laiha responsabilidade.

“Ha’u orienta tan membru sira, asu de’it mos labele ba bok sasan sira ne’e, para mais ema atu ba destroi sasan sira ne’ebe mai hosi Timor source nian atu halo perfurasaun mina iha suai, ” nia aviza.(mark)

About dilipost

Check Also

PNTL Prende Kilat Anin No Fugetis Iha Microlete Laran Iha Area Tunubibi

DILI Post- Komandu Polisia Nasional Timor-Leste (PNTL), Munisipiu Bobonaro hosi ekipa Alfa no Forsa Rezerva …

Leave a Reply

Your email address will not be published. Required fields are marked *