Saturday , August 6 2022

VALORES CRISTÃOS VS DEMOCRACIA: DEFESA DE HONRA BÁ CRÍTICA HUSI BELUN AGOSTO POTO HO DAVID MARTINS

   

Husi António Octaviano Marcelo da Cunha
No. Telefone: +6282119450575
(Estudante do Instituto Superior de Filosofia Católica Ledalero, Maumere, Flores-NTT)

Introdução

Iha artigo ida ne’e, hau hakarak halo crítica ba artigo nebé lansa husi belun Agosto Poto ho tema “Igreja cátolica e seus valores Cristãos: uma defesa de honra” nebé pública iha página official Instituto Superior de Filosofia e de Teologia, D. Jaime Garcia Goulart (ISFIT) nian iha dia 07/10/2021 no Artigo husi belun David Martins ho tema “Iha Timor, Igreja Cristão hanesan inan, Estado hanesan oan, Religião sira seluk hanesan bainaka, no seita sira seluk hanesan nan resto iha princesa nia nehan kuak” nebé mos pública iha página official ISFIT iha dia 08/10/2021.

Belun Agosto Poto ho David Martins halo defesa de honra ida bá artigo nebé hakerek husi Agosto Poto ho tema “Oinsá valores Cristãos bele sai base bá Democracia” nebé foin dadauk hetan crítica husi hau iha hau nia artigo nebé publica iha mídia Dili Post, Timor Post no Hakaraknet ho tema “Resposta crítica bá Artigo husi Estudante ISFIT ‘Agosto Poto’ ho Tema “Oinsá valores Cristãos bele sai base bá Democracia.”

Husi hau nia crítica hasoru belun Agosto Poto nia artigo, consegue mosu polémica da ideia no hodi fanun ema barak nia atensaun hodi lê fila-fila hau nia artigo inclui mos belun Agosto Poto ho David Martins. Hau pessoalmente aprecia belun Agosto Poto ho David Martins sira nia crítica bá hau nia artigo mesmo sira rasik la konsegue capta hau nia argumento iha hau nia artigo e aat liu tan sira la komprende objetivo husi hau nia artigo.

Waihira hau halo leitura bá belun nain rua sira nia artigo por frase, hau la nota intensaun crítica hanesan estudante filosofia ida nebé tuir lolos tenki hatur sira nia argumento iha aspeitu rasionalidade iha konteudo de artigo ne’e rasik, maibé iha mak insulta malu, sentido de defesa, emocionalmente, ho teori crítica no prekonseitu hodi defende sira nia artigo nebé la hun la dikin.

Hau senti cómico waihira belun Agosto Poto louva nia artigo tamba hetan apreciação husi ema barak. Escritor ne’e senti katak nia artigo kualidade los e tamba ne’e la bele hetan crítica; no aat liu belun David Martins tenta halo crítica bá hau nia artigo maibé tama sala kuarto e hatur sala nia argumeto no cem porsento la resposta hau nia crítica. Hau hanesan estudante Filosofia ida, nafatin halo crítica nebé hatur hau nia argumento iha aspeito rasionalidade no la’os uza sentimento. Husi belun nain rua sira nia artigo ne’e hau komprende katak escritor nain rua ne’e, nafatin halo auto-defesa no mantén nafatin sira nia argumento ho meios oi-oin mesmo sira konsiente hela katak sira nia argumento la loos.

Hau pessoalmente konsidera katak escritor nain rua ne’e sidauk komprende didiak konabá saida mak instituisaun Igreja no subtancia democracia, tamba ne’e, escritor nain rua ne’e nafatin questiona hau nia crítica no hatur sira nia argumeto iha tendência dogmatismo no koko halo escrito no esplikasaun naruk-naruk konabá historia da Igreja iha Timor Leste hodi hatudu katak sira mesak mak lê e hatene konabá história da Igreja católica iha Timor Leste no ikus mai konsidera participação no luta da igreja católica bá ukun rasik aan nuudar razaun fundamental ida hodi foti valores cristãos sai base bá Democracia.

Hau presiza afirma tan katak Igreja ho Estado ne’e instituisaun rua nebé diferente. Tamba ne’e Igreja iha dever atu hanorin konabá konsiensia moral, verdade, justiça e valores da humanidade maibé Igreja nafatin hamrik ketak hanesan instituisaun ida no la kahur nia assunto ho assunto do estado, sá tan halo redução husi valores relijiaun ida hodi sai base bá democracia. Contexto participação igreja iha luta da independecia Timor Leste ne’e tenki hatur tuir nia contexto no keta interpreta kahur ho subtancia demokrasia.

Democracia ne’e ideologia secular no igreja ne’e insituisaun divina, hirarkia nebé mai ho nia doutrina rasik. Tamba ne’e ita presiza konsiente konabá existência no essência entre igreja ho democracia. Iha filosofia hermaneutíca ita konhese termo (sinkronis no diakronis) termo rua ne’e ajuda ita atu oinsá ita bele halo diferença cada contexto no interpreta historia ka faktus ida-idak tuir nia contexto hodi nune ita bele komprende historia ida-idak tuir nia contexto no hatur contexto ida-idak tuir nia historia. Husi belun nain rua nia artigo hau nota katak sira nia argumento ne’e iha tendência fundamentalismo da relijiaun, fanatismo no dogmatismo; tamba ne’e hau konsidera sira nia argumento ne’e unlogical e irracional enquanto sira koko halo redução ba valores cristãos hodi sai base bá democrcia. Husi belun nain rua  nia artigo nebé la hun la dikin no rebo-rebo, motiva hau atu hakerek tan artigo ida ne’e hodi ajuda sira atu bele komprende diak liu tan konabá existência no essência husi instituisaun igreja no subtancia da democracia. 

Observação Ba Belun Nain Rua Nia Crítica

Wainhira hau halo tiha leitura ba belun nain rua (Agosto Poto ho David Martins) sira nia artigo crítico ne’e, hau foin descobre katak belun nain rua ne’e hanesan feto sira nebé bidu hela tik-tok, doko án bá, doko án mai, haksoit tun no hak soit sa’e ho instrumento música nebé furak maibé afinal sira rasik la komprende konabá lifuan sira husi música ne’e rasik.

Belun Agosto Poto sublinha nia pergunta sira iha nia artigo nebé refere bá hau ho Adelino dos Santos Elo hanesan tuir mai ne’e, “Ha’u nia pergunta ba ita boot nain rua hanesan ema crítico no intelectual atu haklean to’ok: Se ha’u temi valores cristãos iha democracia ne’e hanesan sala boot no soke moru ba imi nain rua, então imi dehan to’ok democracia mak tama uluk iha Timor ka valores cristãos mak tama uluk iha Timor? Sira nain rua se mak tama uluk no ida nebé mak peso liu iha Timor? Se ha’u halo descriminação no redução ba religião seluk tamba ha’u temi liafuan valores Cristãos sai base iha democracia, então Constituição mak halo uluk descriminação no redução boot, basá iha Constituição reconhece luta Igreja católica nia hodi consagra iha Constituição, tamba ne’e ha’u husu amigo nain rua se imi lori leku-lekun Constituição karik loke hodi buka to’ok lifuan católico ne’e mosu iha Constituição ka lae? Se mosu então mosu tamba sa?” husi pergunta sira nebé escritor descreve iha nia artigo ne’e, hau pessoalmente  konsidera pergunta sira ne’e hanesan pergunta nebé hau bele dehan katak : “talks a lot, but doesn’t say anything”.

Belun escritor la iha capacidade ida hodi halo distinção tuir kontexto no espaço ida-idak entre kontexto da igreja e democracia. Husi pergunta nebé belun escritor lança, hau bele komprende katak, belun escritor ne’e nia sukat verdade ne’e depende ba período do tempo no entende subtancia democracia apenas uma ideologia. Belun escritor nia razaun hili valores cristãos hodi sai base bá democracia ne’e tamba igreja mak tama uluk iha Timor no nia mak peso liu. Kuitado los ho estudante filosofia ida mak forma argumeto ida hanesan ne’e (argumen yang sangat dogmatis). Belun escritor presiza konsiente katak secara historis Igreja punya contribusi, tetapi tidak berarti harus mengaminkan konsep kristenisasi atau catolicismo. Equanto ita mantén nafatin ita nia pozisaun ho hanoi ida hanesan ne’e bele hamosu fundamentalismo no sai ameasa (ancaman) bá democracia. Ita nafatin reconhese Igeja nia participação no contribuição ba luta da independencia Timor Leste maibé la’os atu forma sistema democracia ida ne’ebe hatur iha igreja católica nia okos (Demokrasi yang berwajah katolik).

Tamba ne’e hau bele dehan katak belun escritor keliru waihira nia questiona konabá Constituição mak halo uluk descriminação no redução boot, basá iha Constituição reconhece deit luta Igreja católica nia hodi consagra iha Constituição. Hau hakarak afirma tan katak belun escritor presiza haklean tan ita boot nia conhecimento konabá liafuan “constituição reconhese luta Igreja católica” la signifika katak ho termo constituição reconhese luta Igreja católica, ita bele livre hodi foti valores cristãos atu sai base bá democracia. Estado democracia nafatin konsiente konabá nia essência no existência nudar nasaun democracia, la halis ba sorin lós no mos la halis ba sorin karuk, estado democracia nafatin independente no hakoak ema hotu.

Ne’e duni wainhira belun escritor koko halo redução ba valores cristões hodi sai base bá democracia, hau compara nia opiniaun ne’e hanesan labarik kiik ida nebé obriga hela manduku oan ida hodi tolan tomak karau aman ida. Hanoin nebé impossível atu ita bele realiza ka prática iha nasaun nebé adopta sistema democracia. Razaun simples deit katak democracia la hanorin ema atu halo discriminação, democracia anti-descriminação,  democracia valoriza ema hotu nia direitu no tane ás ema hotu nia dignidade no igualdade. Tamba ne’e la sala wainhira hau dehan katak belun escritor nia artigo ne’e “halo descrimação ba relijiaun sira seluk” tamba iha realidade escritor halo redução ba valores cristãos hodi sai base ba democracia. Hau loke ona constituiçã da RDTL no lê por página maibé constituiçao RDTL nunka sublinha dehan valores cristãos sai base bá democracia. Tamba ne’e keta halo distorção ba buat nebé hakerek ona iha constituição hodi ikus mai hafalun metin ita boot sira nia pecado no argumento nebé la los lori constituição RDTL nia naran.

Iha sorin seluk, belun David Martins (escritor) forma nia tese ida katak “baseia ba sistema iha democracia nia laran, fórmula ida Maioria vence Minoriane’e mos vale no funciona. Tan ne’e, hanesan belun Agosto Poto dehan “Oinsa Valores Cristãos Sai Base ba Democracia”, ne’e los no argumentado”. Belun escritor nia hanoin ne’e kloot liu tamba ne’e dificil atu komprende konabá formula ida ne’e. Dalaruma escritor nia logíca iha kakutak laran ne’e la estruturado e la sitemático (logika yang tidak teratur dan tidak tersusun dengan baik).  Escritor hakarak halo aksentuasaun konabá formula da democracia ida ne’e, maibé hatur sala nia fatin. Escritor  presiza haklean liu tan ita boot nia conhesimento konabá substancia democracia atu nune’e bele  interpreta termo ida-idak tuir nia dalan. Presiza hatene no konsiente katak sistema democracia iha nia tendência atu hamosu tirania da maioria (tirani mayoritas), waihira ema konsidera democracia apenas questão de procedimentos ba tomada de decisão (permasalahan prosedur pengambilan keputusan), no ikus mai ignora ema hotu  nia liberdade no dignidade hanesan consequencia husi tomada de dicisão ida ne’e, ho tendêncai ida hanesan ne’e  maka democracia fasil atu monu ba tirania da maioria tamba a maioria sempre direcionada por temas que apenas tocam seus próprios interesses (Kleden, 2003: 12).

Husi substancia democracia, hau hakarak halo clarificação konabá formula democracia nebé dehan katak Maioria vence Minoria hodi bele ajuda belun escritor atu bele komprende netik konabá formula ida ne’e,  hodi nune keta halo interpretasaun arbiru;  escritor  presiza hatene no konsiente katak formula ida ne’e so funciona iha democracia relaciona ho questão  procedimentos ba tomada de decisão (permasalahan prosedur pengambilan keputusan) no iha festa democracia hanesan eleição ka votaçao, maibé  la’os katak atu ignora fali ema seluk nia liverdade no dignidade hanesan ita boot halo interpretasaun nebé ikus mai iha tendência atu hamosu tirania de maioria. Escritor la bele kahur fali kafé ho masin midar uza mina rai maibé tenki kahur masin midar ho kafé uza bee.

Iha ne’e hau atu dehan deit katak escritor tenki halo interpreptasaun nebé los ba termo ida-idak tuir nia dalan. Uza kakutak filosofia ne’e hodi dicerna didiak termo ida-idak tuir nia contexto; la’os livre halo interpretação nebé la hun la dikin tuir ita boot nia sentimentu pessoál deit no vontade rasik. Enquanto ita boot interpreta formula democracia hanesan ne’e (baseia ba sistema iha democracia nia laran, fórmula ida Maioria vence Minoria ne’e mos vale no funciona. Tan ne’e, hanesan belun Poto dehan “Oinsa Valores Cristãos Sai Base ba Democracia”, ne’e los no argumentado tamba iha Timor Leste sarani católica maioria). Perguntan mak ne’e:  oinsá ita bele komprende katak democracia ne’e hanesan sistema ida nebé tane ás ema hotu nia dignidade, liverdade no igualdade enquanto desizaun hotu-hotu depende ba formulaMaioria vence Minoria ? Sera que  essência da verdade ne’e moz  depende bá  votus  maioria? Los duni katak ne’e formula ida nebé aplica iha sistema democracia maibé presiza mos atu konsiente katak la’os formula ida ne’e funciona bá kontexto hotu-hotu iha sismtema democracia nia laran. Kuitado los ho estudante filosofia ida nia hanoin hanesan ne’e (pemikiran yang terlalu dogmatis). Aat liu tan waihira belun escritor afirma tan katak “Los duni, iha Artigo 12o nu. 1º no 2º mos reconhece no respeita diferentes confissões religiosas, maibé, la’os sira mak sai fali uma nain ka inan. Nune’e, religião sira seluk ne’e, iha Timor ita bele hatama sira iha nível bainaka de’it.

Quanto mais seitas sira, hanesan hela nan resto nebé iha princesa nia nehan laran, bele sukit sai tiha. Nune’e, sira nia valor labele sai fali base ba democracia tamba minoria. Nune’e, afirmação nebé dehan valores cristãos sai base ba Democracia ne’e claro ona, tamba Timor idêntico ona hanesan “Terra de Santa Cruz e Terra de Santa Maria” nebé nia oan maioria mak cristão”.

Depois de halo análiza bá leitura husi belun escritor nia deklarasaun iha leten ne’e; hau nota nia lógica iha katukat laran ne’e la hun la dikin, sei iha espaço mamuk iha nia kakutak laran nebé tenki enxe tan buat ruma hodi halo nakonu (masih ada ruang kosong dalam kepalanya sehingga ada lompatan ide dalam logikanya) tamba simulaneamente mosu contradição iha nia kakutak laran. Oinsá escritor afirma katak “Los duni, iha Artigo 12o nu. 1º no 2º mos reconhece no respeita diferentes confissões religiosas” maibé ikus mai forma tan anti-tese ida dehan katak “religião sira seluk la’os sira mak sai fali uma nain ka inan. Nune’e, religião sira seluk ne’e, iha Timor ita bele hatama sira iha nível bainaka de’it. Quanto mais seitas sira, hanesan hela nan resto nebé iha princesa nia nehan laran, bele sukit sai tiha”. Escritor nia deklarasaun ne’e simultaneamente mosu pro no contra dala ida iha nia kakutak laran entre premissa maior no premissa minor, tamba ne’e dificil atu ita bele halo síntese ida ba nia lógica iha nia kakutak laran. Deklarasaun husi belun escritor ne’e lori hau ba imaginasaun ida katak David Martins ne’e lao’s ema ida deit maibé ema nain rua (ada keterpecahan dalam dirinya). Tamba nia la afirma nia posizaun nebé los (pro dan kontra serentak terjadi dalam dirinya David Martins). Belun escritor koalia hanesan kacang lupa kulit. Tutan mai, belun escritor, continua hakerek dehan “Ha’u hanoin discriminação iha Timor ne’e claro ona, basa termo discriminação ne’e ho liafuan seluk mak, distinção, destrição ho verbo maka diferenciar, distinguir no separar. Husi ne’e, discriminação atu dehan, los duni, iha Timor Igreja mak sai inan, Estado hanesan oan no religião hanesan bainaka, seita sira hanesan de’it nan resto iha princesa nia nehan kuak, nebé princesa bele sukit sai tiha. Gituh aja ko repot…” hau hakarak sublinha escritor nia deklarasaun ida ne’e katak nia hanoin ne’e terlalu dogmatis (dogmatismo) no interpreta palavra apenas o significado da palavra maibé la komprede konabá oinsá atu interpreta palavra tuir kontexto real.

Tamba ne’e hau bele dehan katak ciencia filosofia nebé belun escritor aprende ne’e la funcioan iha nia kakutak. Escritor halo deklarasaun ida nebé direitamente hamonu imagem nasaun Timor Leste nuudar nasaun nebé adopta sistema democracia, nebé sempre valoriza ema hotu nia direito e dever e mos anti descriminação. Tamba ne’e wainhira belun escritor afirma katak descriminação iha Timor ne’e claro tiha ona, indireitamente nia la konsidera nasaun Timor Leste hanesan nasaun direito democrático ida no hamonu imagem nasaun Timor Leste.

Tamba ne’e Depois lê no avalia cada artigo husi belun escritor nain rua (Agosto Poto ho David Martins) hau hakarak afirma katak belun escritor nain rua ne’e sira nia artigo ne’e iha tendencia atu hamoris radikalismo, la respeita diversidade relijiaun hotu-hotu iha Timor no bele sai ameasa boot bá povo Timor Leste; pior liu tan haluha tiha contribuição nasaun seluk iha votus da independéncia.

Belun nain rua presiza halo diferença entre religião no estado, presiza hatene no konsiente konabá saida mak estado no saida mak igreja. Nasaun Timor Leste la’os nasaun ‘Teokrasia’ maibé nasaun democracia, mesmo Timor Leste maioria católica maibé la singnifika katak la valoriza religião sira seluk sá tan descrimina religião sira seluk. Presiza esplica ida-idak tuir nia parte no coloca ida-idak tuir nia espaço; tamba ne’e presiza mos konsiente katak igreja iha nia limitasaun no estado mos iha nia limitasaun. Belun nain rua presiza nota iha imi nia kakutak laran katak igreja mai ho ninia doutrina, tamba ne’e igreja católica la’os democracy church maibe hierarchical church roma lacuta est, causa finita est” nebé ita la’o tuir sistema hirarki nebé mak sitemático no ita nia teologia bazeia ba Trinity la’os quarternity tamba ne’e keta kahur sasan arbiru. Ita respeita Igreja nia partisiapasaun ba luta ukun rasik án, maibé ne’e igreja nia serbisu nebé ita hanaran dialogue profetis maibé la signifika igreja católica sai nain ba estado RDTL.

Tuir tan mai, hau hare belun nain rua ne’e sira exigi atu nasaun Timor Leste tenki uza valor cristões nudar base fundamental ba democracia ho razaun KRDTL no Igreja nia contirbuição ba Timor Leste nia processo da independencia. Wainhira hau haklean liu tan belun nain ruan sira nia artigo hau hanoin fali feto ida naran Isabel waihira nia sai reinha iha Espanhol, nia uza nia poder hodi obriga ema judeia no islam sira atu nega ka ignora sira nia fiar hodi tama religião católica. Belun nain rua sira nia artigo mais ou menos iha tendensia catolicismo hanesan reinha Isabel halo ne’e, sorti deit sira nai rua la’os presidente, kuando sira nain rua mak iha status legal nudar ukun nain, entaun islam ho protestante no religião sira seluk iha Timor laran tomak sira nain rua obriga tenki tama hotu religião católica.

Avaliação Bá Belun Nain Rua Nia Artigo Tuir Caráter Ética Hannah Arendt no Konsepto husi Emanuel Kant, Jurgen Habermas no Jhon Rawls.

Antes atu haklean konabá filosofo moderna sira nia ciência, hau hakarak afirma tan kona bá hau nia posizaun katak nuudar estudante filosofia ida hau sei la influencia ho belun Agosto Poto nia deklarasaun nebé iha nia artigo nia dehan katak hau koalia rebo-rebo no cita filósofo moderna barak sira nia ciência atu hatudu katak hau lê barak.

Nudar estudante filosofia ida hau hakarak dehan katak tradição lê ne’e la’os buat foun ona ba estudante nebé aprende filosofia, tamba ne’e tradição lê ba estudante filosofia tenki konsidera hanesan buat babain ida no la bele konsidera hanesan questão ida; tamba la iha dalan seluk atu ita bele haklean ita nia ciência filosofila enquato ita la iha vontade atu lê barak. Tamba ne’e hau nafatin cita filosofo moderna balun sira nia hanoin atu bele halo avaliação bá belun nain rua sira nia artigo nebé tuir hau nia perspetivo sira nia argumento ne’e dogmatismo liu no hatur iha sentimento pessoál hodi mantén nafatin sira nia pozisaun hanesan apologista cristão moderna.

Hannah Arendt contra moralidade tradicional no valores cristãos nebé dala barak iha tendência atu obriga ka exigi padrões moral universal nebé konsidera nuudar valores nebé absoluto hodi hatama bá área politico. Tuir Hannah Arendt, tendência ida ne’e bele hamosu buat nebé destrutivo no mos anárquico tamba ação coerção hanesan ne’e nuudar forma de corridor (pelarian) e ao mesmo tempu nuudar castração (pengebirian) ba esfera política nebé inerentemente (secara inheren) plural e conflituoso (Kelado, 2018: 151).

Husi konsepto Hannah Arendt kona bá karakter da etíca lori hau atu bá komprende diak liu tan konabá contexto sociedade plural nebé forma husi cultura e religião oi-oin. Tamba ne’e hau hakarak atu fo aksentuasau kona bá caracter husi ema balun nebé iha tendência atu halo redução bá moralidade tradicional no liu-liu bá valores cristãos atu hatama bá arena política nebé ikus mai sai hanesan ameasa bá democracia no hamosu buat nebé destrutivo no mos anárquico. Konsepto caracter da ética husi Hannah Arendt lori hau atu bá komprende diak liu tan konabá caracter husi belun nain rua (Agosto Poto ho David Martins) nebé iha tendêcia atu muda nasaun Timor Leste nia sistema democracia bá Teocracia.

Razaun fundamental husi artigo belun nain rua hatur iha historia da igreja relasiona ho igreja nia participação iha Timor Leste nia luta bá Independencia; Iha sorin seluk artigo husi belun nain rua mos questiona konabá Konstituição da RDTL nebé descreve konabá valorização bá Igreja católica nia participação no contribuição bá luta da independencia. Tamba ne’e, belun nain rua ne’e nafatin mantén sira nia argumento nebé irracional no ikus mai halo reduçã bá valores cristãos atu sai base bá democracia.

Hau pessoalmente hakarak dehan deit katak belun nain rua sira nia argumento ne’e otas sei kiik, irracional e unlogical tamba sira halo interpretasaun nebé la los no mistura arbiru contexto historia da Igreja no KRDTL nebé ikus mai foti sai hanesan razaun fundamental ida hodi exigi valores cristãos atu sai base bá democracia. Público bele imagina took, oinsá bele halo redução bá valores cristãos hodi sai base bá democracia, será que democracia ne’e valoriza ema hotu nia direito, tane ás igualdade, hakoak ema hotu nudar sidadaun tanto pluralismo da religião e anti descriminação.

Hau hanoin Caracter hanesan belun nain rua ne’e,  hamosu tendência ida nebé Hanna Arendt questiona iha nia konsepto caráter da ética katak tendência atu hatama moralidade tradicional no valores cristãos bá área política bele hamosu situasaun nebé destrutivo no mos anárquico bá ema hotu nia moris; tamba nasaun Timor Leste nasaun ida nebé adopta sistema democracia nebé valoriza pluralismo, igualdade no ema hotu nia direito nuudar base bá sidadaun hotu iha Timor, exepto belun nain rua muda tiha constituição RDTL hodi apoio deit religião católica no descreve tan artigo ida dehan valores cristãos sai base bá democracia; maibé hau hanoin nafatin impossível atu akontese hanesan ne’e tamba realidade iha Timor Leste la permite atu cria sistema ida hanesan belun nain rua exigi ne’e, tamba nasaun Timor Leste forma husi pluralismo, valoriza ema hotu nia direitu, tane ás igualdade no dignidade ema hotu nian.

Tamba ne’e igreja nia participação ba luta da Independencia la sai razaun fundamental ida atu foti valores cristãos sai base bá democracia. Tamba ne’e hau hakarak lori belun nain rua ba konsiente diak liu tan kona bá sentido lolos husi democracia katak ukun iha povo nia liman ka ukun nia hun-abut iha povo, ne’e duni povo hotu-hotu iha direito atu hetán moris diak nebé ita hanaran “bem-comum”. Tamba ne’e democracia katak ema hotu iha dignidade hanesan atu moris iha nação ida”. Tamba ne’e sasukat nebé boot liu iha Democracia mak igualdade no liberdade katak, ema hotu-hotu hamrik hanesan iha lei nia oin no ema hotu iha direito no dever nebé hanesan atu expressa sira nia an no hetán sigurança no proteção ba sira nia direito no dever tuir lei haruka.

Tamba ne’e, wainhira ita foti valores da religião ida atu sai base ba democracia, indiretamente ita konsiente ka lae maibé ita contra sistema democracia no deskrimina religião sira seluk, ita la valoriza no konsidera religião sira seluk nia existência e aat liu tan ita ignora sira nia direito no dever hanesan sidadaun Timor oan hotu nebé mos presiza atu tane ás sira nia direitu. Tamba ne’e solusaun ba questão sira hanesan ne’e maka tenke konsiente kona bá limites éticos (batasan-batasan etis) hanesan saida deit mak bele hatama ba arena política no saida mak la bele? Iha contexto hanesan ne’e, ita presiza mos tau atenção konabá dermarcation relationship katak ita tenki kuidado relação entre os limites um do outro (menjaga batas-batas masing-masing).

Tamba ne’e, wainhira mosu iluminismo iha Europeu nebé ikus mai hamosu crise da fé no halo ema la fiar tan konabá revelasaun no mos herança religiosa; Emanuel Kant nebé la’os apologista cristão e la’os mos ateista ida, mosu mai ho ninia hanoin intelektual katak ita presiza aprende husi tradição da fé cristão hodi bele hetan ka encontra fila fali conteúdo racional ida iha tradição da fé cristão. Tamba ne’e iha filosofia Kant nia sempre uza terminologia nebé promove linguagem público ho language-game of religion. Relasiona ho filosofia Kant, ikus mai Habermas fo comentario katak filosofia Emanuel Kant nuudar meios ida nebé halo reconstrução entre aspeito rasional ho substancia da fé. “Filosofia moral Kant em geralmente ita entende hanesan meios ka dalan ida hodi halo reconstrução ba norma categorical husi mandamentos divinos (perintah-perintah Illahi) ho forma discursiva. Tamba ne’e filosofia transcendental iha possibilidade atu muda ponto de vista divino bá perspectiva mundo ninian nebé iha significado no sentido equivalente iha forma de pontu de vista moral.” (Hardiman, 2012: 36).

Emanuel Kant nia perspetiva filosofia ne’e hakarak fo aksentuasaun kona bá buat nebé Juerge Habermams dehan katak  language of public reason or public common-sense language. Tamba iha kontexto language of public reason or public common-sense language, valores da religião la konsidera ona hanesan polemika ka problema ida tamba language of public reason bele promove valores da religião no interpreta doutrina da religião ho lianguagem publico (bahasa nalar publik) nebé ema hotu bele komprende no simu e mos la diskrima religião ida por ida.

Husi realidade ida ne’e, hau hakarak cita tan saida mak Juergen Habermas afirma katak, Pós-secularismo oferce mai ita fórum ida atu bele realiza valores da tolerância liu husi processo de aprendizagem mútua entre religião no idelogia secular. Tamba ne’e, religião sira presiza interpreta sira nia doutrinas uza  linguagem do senso comum público nebé ema hotu bele comprende tuir kontexto esfera política. Habermas descreve konabá processo de aprendizagem mútua da religião no secularismo hanesan tuir mai ne’e: “Os blocos religiosos devem reconhecer a autoridade do bom senso ‘natural’ como resultado do trabalho feito por instituições científicas que pode ser falsificado, e os princípios do igualitarismo universal são encontrados na lei e moralidade. Por outro lado, o senso comum secular não deve se posicionar como juiz da verdade da fé, embora há  evidências de que o senso comum só considera uma afirmação racional na medida em que a afirmação pode ser traduzida em um discurso aberto para o interesse público.”(Habermas, 2008).

Iha sorin seluk, hau mos hakarak cita Jhon Rawls nia hanoin iha hau nia artigo nebé hau pubica ona iha mídia balun. Jhon Rawls afirma konabá questão nebé hanesan katak la fasil atu bele aplika valores da relijiaun ou doutrina sosial husi sosiedade ida iha Estado de direito nebé forma husi sociedade plural, tamba komponente sira ne’e sempre sai hanesan obstáculo ida hodi bele bá alkansa desizaun colectiva no mos konsesus da verdade. Husi realidade empírica sociedade plural, Rawls rekomenda ninia ponto de vista normativa ida katak wainhira ita koalia konabá buat sira nebé konstitusional, estado de direito, ou política do estado; kada individu ida-idak só bele hato’o nia-nia opiniaun ou perspetivo política nebé hatur iha konseptu da justiça no livre husi doutrina social husi sociedade hotu-hotu no valores da religião (Nader Hashemi, 2011: 42).

Jhon Rawls nia argumento hakarak hatur iha base da justiça. Oinsa sociedade plural bele moris iha justiça nia laran, la deskrimisa ema seluk no tane ás igualidade. Tamba ne’e, Rawls afirma katak atu bele alkansa, dalan justiça ida maka ita tenki tau importancia bá ema hotu nia necessidade nebé hatur iha konsepto da justice. Tamba ne’e, waihira ita koalia konabá buat sira nebé konstitusional, estado de direito, ou política do estado; kada individu ida-idak só bele hato’o nia-nia opiniaun ou perspetivo política nebé hatur iha konseptu da justiça no livre husi doutrina social husi sociedade hotu-hotu no valores da religião. Tamba ita hotu hatene katak waihira política kahur ho volores da religião ou doutrina social husi sociedade ida bele hamosu problema no kria situasaun política nebé hamosu deskriminasaun no injustiça.

Tutan liu mai, Rawls afirma tan katak relasiona ho debate sira nebé iha ligasaun ho assunto da religião tenki koloka nia tuir ninia fatin e haketak nia husi agenda política tamba na realidade akontese katak, prinsípio ida nebé igreja católica ho protestante prática iha século XVI no XVII, iha tendencia ida atu konsidera valores tolerancia ne’e apenas modus vivendi. Ida ne’e significa katak wainhira entre religião rua ne’e, ida mak hetan oportunidade atu assume poder ka ukun, mak nia sei obriga ka exigi nia doutrina sira husi nia religião atu tau iha prática da vida política nebé ema hotu tenki simu no konsidera nia hanesan valores ka doutrina nebé único no diak liu doutrina husi religião sira seluk. Realidade ida ne’e sai hanesan questaun crucial ida bá sociedade plural nebé ikus mai halo sira konsiente katak presiza forma lei ka konstituisaun ida hodi bele regula no protégé liberdade religiosa husi ema sira nebé diferente religião (Rawls, 1921: 148).

Iha ne’e, lei ou constituição konsidera hanesan facto ida nebé bele promove paz e unidade sociedade civil. Tamba ne’e iha sociedade civil nia laran ema bele koalia konabá questões política maibé presiza hatur iha pensamento nebé estruturado ho valores politicos atu nune’e la bele cria situasau nebé hamosu konflito entre religião sira no causa animosidade sectária. Iha ne’e ho objetivo atu reduz problema da divisão social (perpecahan social) no promove estabilidade social. Maibé dalaruma ita la iha estabilidade ida atu bele forma razaun ida nebé los hodi bele koresponde ba lealdade inabalável da ideais no valores politicos (moral) husi sociedade democrática. Ita mós la iha estabilidade ida forma argumento nebé los atu nune’e sociedade ka cidadão bele simu princípios politicos (moral), cláusulas constitucionais substantivas nebé bele garante liberdade de religião, política e civil (Rawls, 1921: 148). 

Iha sori seluk, ita presiza konsiente mos katak dalaruma mosu problema divisão social tamba princípios nacionais ne’e iha ninia limitados; tamba ne’e la iha ema ida hakarak hodi ignora nia doutrina religiosa ou não religiosa nebé ikus mai lakon nia integridade no mos nia emar sira ou nia sarani sira. Ho realidade ida ne’e,  ema balun pronto atu contra ou la obedece bá lei nebé bele enfraqueça sira posição da religião; no sira nafatin manifesta sira nia ação ida ne’e mesmo iha parte seluk sira nia liberdades religiosa no liberdades seluk sempre coresponde e promove ona por lei no doutrina nebé absolutamente seguro. Tamba ne’e ita bele hare katak iha factores rua nebé mak sai hanesa questão e ameaça ba sistema democracia; primeiro, interesses husi religião ida hodi estabelece nia hegemonia, no segundo, interesses fundamentais da doutrina nafatin mantén sira nia nível da integridade no sira nia influência iha público, tanto religiosas quanto não religiosas. Embora regimes constitucionais coresponde no garanti ona plenamente dos direitos no liberdades husi doutrina hotu-hotu nebé hetan permissão. Iha kontexto sira hanesan ne’e ita presiza konsiente katak “DEMOCRACIA É ACEITA SOB CONDIÇÕES E NÃO PELAS RAZÕES CERTAS.

Tamba ne’e wainhira belun Agosto Poto ho David Martins konsidera igreja nia participação nebé marka presença uluk iha Timor Leste nebé hatudu katak igreja nia posizaun mak peso liu no mos igreja nia contribuição bá Timor Leste nia Independencia nuudar razaun ida nebé los e racional atu foti valores cristões hodi sai base bá democracia, hau hanoin  razaun ida ne’e la los. Tamba democracia existe hodi coresponde ba situasaun no kondisaun la’os atu coreponde bá razaun ruma husi grupo balun deit nebé defende sira nia aan katak sira mak los no grupos sira seluk lae.

Iha ne’e atu afima deit katak democracia iha atu coresponde bá sociedade plural, valoriza igualdade, promove paz, unidade, justiça e tane ás ema hotu nia digninidade no la’os atu halo descriminação bá grupo sira seluk. Tamba ne’e atu protege ita hotu nia liberdade e segurança, democracia precisa exigi katak ita hotu nuudar cidadão nebé hanesan, ita ida-idak tenki la’o tuir obrigações legais legítimas; ita tenki desisti hahalok no karakter nebé iha tendência atu exigi constituição hodi estabelece hegemonia husi valores da religião; tamba tendência atu mantén nafatin esperança no objetivos sira husi valores da religião hodi tau iha prática da democracia sei inconsistente ho ideia de liberdades básicas nebé dehan katak todos os cidadãos livres e iguais.

Iha ne’e respotas hatur iha komprensaun ou entendimento konabá democracia constitucional, katak exceto pela defesa de uma democracia constitucional, não há outra maneira justa de garantir que as liberdades de seus aderentes sejam compatíveis com as de outros cidadãos que são justos e iguais. Tamba ne’e iha processo de apoio ba regime democrático constitucional, ita presiza mos konsiente katak doutrina religiosa mos iha nia limites nebé Maromak estabelece bá ita nuudar forma ida husi ita nia limites da  liberdade. Tamba ne’e ita ida-idak presiza consiente hodi coresponde ba caso sira hanesan ne’e. Entaun  doutrina de cada religião tenki formula ka interpreta ho maneiras nebé diferentes no uza linguagem público hodi bele promove liberdade de consciência no princípio da tolerância atu ema hotu bele moris iha justiça nia laran no hatudu katak sira iha direito hanesan cidadãos hotu-hotu iha sociedade democrática ida nia laran.

Conclusão

Hau taka hau nia artigo ho expressão nebé bai-bain ema dehan katak “ uluk Eva lohi Adão ho ai-fuan no agora Eva lohi Adão ho camera”. Expressão ne’e furak wainhira hau halo analogia ou comparação ida ba belun nain rua (Agosto Poto ho David Martins) sira nia artigo, katak iha artigo edisaun uluk, belun Agosto Poto koalia rebo-rebo no lohi público uza razão no argumento sira nebé la hun la dikin ( ikus mai halo redução ba valores cristãos hodi sai base ba democracia); depois hetan crítica husi hau, agora iha sira nia artigo defesa de honra, belun nain rua ne’e (Agosto Poto ho David Martins) koko hodi lohi tan público uza argumento nebé hatur iha igreja nia participação no contribuição ba Timor Lest nia luta da Independencia no mos uza KRDTL nia naran hodi hafalun metin sira nia pecado ho razaun nebé la los hodi ikus mai atrai povu Timor Leste nia atenção uza argumento nebé la los katak sira defende lia los, sira koalia buat nebé los konabá igreja nia contribuição maibé kuitado los sira la entende lolos konabá substancia da democracia tamba ne’e sira halo interpretasau arbiru konabá valores cristãos ho democracia.

Tamba ne’e hau hakarak dehan bá belun nain rua katak buka komprende diak liu tan konabá saida mak democracia no instituisaun da igreja hodi ikus mai bele halo interpretasaun nebé los no hanorin público ho dalan nebé los. Ita boot nai rua nudar estudante filosofia tenki hatudu bá público katak ita boot sira hadomi duni sabedoria no hanorin verdade, la’os mosu mai hanesan sofistas sira nebé gosta halo manipulasaun ba verdade hodi alkansa interesse pessoal ou objetivo privado. SALAM AKAL SEHAT!!!

About dilipost

Check Also

OBSERVASAUN PERÍODO KAMPAÑA NO ELEISAUN PRESIDENSIAL 2022

Hosi: Moisés Vicente Introdusaun Artigo ida ne’e analiza kona-bá observasaun período kampaña eleitorál no eleisaun …

Leave a Reply

Your email address will not be published.