Wednesday , June 16 2021

Vasina Dala Rua Lao Livre Ba Munisipiu Tenke Iha Karta Autorizasaun

Vise Koordenadora Forsa Tarefa ba Prevensaun no Mitigasaun Surtu Covid-19, Odete da Silva Viegas

DILI Post- Vise Koordenadora Forsa Tarefa ba Prevensaun no Mitigasaun Surtu Covid-19, Odete da Silva Viegas informa sidadaun sira ne’ebe simu ona vasina dala rua bele lao livre ona.

Ne’e duni, nia dehan sira la presiza ona atu halo teste swab bainhita atu halo viazen ba Munisipiu.

“Sidadaun ne’ebe vasina dala rua ona, atu ba Munisipiu la presiza atu halo teste swab.Maibe, ita atu moviliza ba iha Munisipiu tenke husu nafatin karta autorizasaun,” esplika Odete ba jornalista, iha Centu Convensaun Dili, Kinta (10/6).

Nia esplika, sidadaun ne’ebe foin hetan vasina dala rua labele halo kedas movimentu ba iha Munisipiu no tenke hein semana rua depois mak bele ba.

Tanba, tuir nia foin simu vasina ne’e, aimoruk sei fo reasaun no bele absolve diak liu vasina ne’e, bele hasae imunidade kompeleta depois semana rua vasina.

“Ohin mos ita fo sai kedas ba komunudade katak depois vasina labele serkula kedas,” tenik Odete. (assa)

About dilipost

Check Also

MS Lansa Vasina AstraZeneca Doze daruak Hodi Kombate Covid-19

DILI Post- Governu Timor-Leste liu husi Ministeriu Saude(MS) halao Serimonia lansamentu vasina Astra Zeneka doze …

Leave a Reply

Your email address will not be published. Required fields are marked *