Tuesday , June 28 2022

Virgilio Reativa Dispensaun Prezidente KI

DILI Post–Prezidente Konsellu Imprensa (KI), Virgilio Guteres halo reativasaun ba dispesaun durante fulan tolu nia laran hodi ba hala’o kampaña iha eleisaun presidensial primeiru ronde.

Tuir nia katak ohin 25 abril hanesan loron importante Liberdade nian ne’ebe timor hetan tan nee nia asume fali knaar hanesan Presidente KI.

“Ohin loron liberdade imprensa ha’u hahu fali asume ha’u nia kargu hanesan Prezidente KI hein katak ne’e tradisaun ida ne’ebe Konsellu Imprensa halo tanba uluk atu ba kampaña mos halo komferensia Imprensa hodi fo hatene ba publiku katak hau dipensadu husi hau nia kargu no agora mai fali hodi retoma ha’u nia kargu tenke hato’o ba publiku katak atividade politika hotu ona,” esplika Virgilio Guterres ba jornalista, liu husi komferensia imprensa iha salaun KI, Kintal Boot, Segunda (25/4).

Nia agradese mos ba jornalista sira hotu ne’ebe durante periodu fulan tolu nee halo kobertura ba eleisaun presidensial ba kandidatu hotu-hotu.

“Ha’u hakarak fo apresisaun ba konseleiru expeditu ne’ebe durante fulan tolu nia laran asume responsabilidade ka kargu boot iha CI hodi tau matan kontinua preside plenaria inklui inkontru ezekutivu hodi mantein servisu CI liu-liu tau matan ba kobertura media sira nian no mos lalaok Jornalista nian iha periodu kampaña eleitoral,” nia informa.

Nune’e ohin liberdade ema hotu luta kontinua ba liberdade liu-liu CI kontinua luta atu garante liberdade Imprensa no espresaun iha rai laran.

“Husi horseik ba to loron 24 Fevereiru nee ha’u iha liberdade atu koalia kona ba partidu politiku ka defende ha’u nia pozisaun politiku no partidu ne’ebe ha’u afilia ohin ba oin ha’u nia intervensaun ruma barak liu nee tenki ba CI nia interese ba liberdade imprensa no liberdade espresaun,” katak nia.

Fatin hanesan eis Prezidente Interinu, Expedito Dias katak, durante fulan tolu nia laran nia asume kargu hanesan Prezidente KI no ohin loron intrega fila fali knaar ne’e ba Prezidente KI.

Durante fulan tolu nia hanesan Prezidente Interinu hamutuk ho konsilleiru nain tolu Fransisco, Otelio ote,Benevidos.

“Ita akompaña maun Vigilio tuir konkorensia eleisaun prezidensial no despesaun ne’ebe KI fo ba maun Virgilio fulan tolu no ohin 25 Abril, maun Virgilio hala’o fali nia knaar hanesan Konsellu Imprensa nee ha’u intrega fali no hala’o nia knaar hanesan baibain,” tenik Expedito.

Nia haktuir ema hotu akompaña iha eleisaun prezidensial primeiru no segundu volta hotu-hotu servisu hamutuk ho diak no aproveita oportunidade ne’e hato’o agradese ba Jornalista sira husi media hotu-hotu no media nain sira hotu ba nia servisu hamutuk.

Tan ne’e KI hakarak agrdese durante fulan tolu nia laran atividade ne’ebe Jornalista sira halo lao ho diak no hatudu duni imparsialidade, neutralidade iha atividade Jornalistiku durante eleisaun presidensial.(any)

About dilipost

Check Also

Tansa ? MNEK Xina Lá Liu Husi Sala VIP Aeroporto Kompara Ho Bainaka Seluk

DILI Post-Konseleiru Estadu Ka Ministru Negosiu Estranjeiru no Koperasaun (MNEK) Repúblika Popular Xina,Wang Yi ho …

Leave a Reply

Your email address will not be published.