Dili Post Habelar no Haburas Demokrasia
Related Articles
DILI Post-Vise Ministru Interior (MI), Antonio Armindo hato’o parabens ba loron feto servisu migrasaun ba dalan neen (VI).
“Ha’u lori Ministeriu nian naran hakarak hato’o parabens ba femenina servisu migrasaun nian ne’e ohin loron halo sira nian aniversariu badala neen nian, ” dehan nia ba Jornalista iha knar fatin, Villaverde-Dili (22/11).
Nia hateten feto importante tebes ba setor saida de’it no ba dezemvolvimentu saida de’it, tanba ne’e husu sira para atu mantein sira nian servisu profesionalismo no loyidade ba sira nian superior, no servisu ho disiplina nafatin para servi povu no nasaun ida ne’e.
“Sira kontinua demostra sira nian atitude ne’ebe di’ak, hanesan feto no inan atu nune”e ema hotu bele sente konfortabel para bele mai trata sira nian dokumentus iha servisu migrasaun,” tenik vise MI ne’e.
Tuir nia, dadaun ne’e feto ne’ebe hala’o knar iha servisu migrasaun ninian persentazen barak ona, iha balun Ministeriu iha ona hanoin atu nomea ba kargu xefia.
“Portantu involvimentu feto iha servisu migrasaun ne’e nian persentazen sa’e makas loos, portantu lori ministeriu nian naran hato’o kongratula ba sira, ita apoiu nafatin para feto bele involve an iha setor hotu hotu, ” hakotu nia.(MrQ)
