Monday , September 27 2021

Vitima Inundasaun 100 Iha Bebonuk Seidauk Hetan Apoiu Husi SEPS

DILI Post- Xefi Suku Bebonuk, Serafin Masedo rekonese to’o oras ne’e uma kain 100 iha suku Bebonuk ne’ebe sai vitima ba inundasaun seidauk hetan apoiu emerjensia husi Sekretariu Estadu Protesaun Sivil (SEPS).

Hanesan autoridade lokal rekolia dadus vitima inundasaun no relata ona ba SEPS hamutuk vitima uma kain 400.

Husi vitima hirak ne’e uma kain 300 simu ona apoiu husi governu no uma kain 100 seidauk hetan apoiu.

“Vitima sira nia naran ita hato’o hotu ona ba SEPS hodi bele simu fos no aihan sira seluk,” hateten Serafin ba Dili Post, iha nia knar fatin, Tersa (15/6).

Nia mos haktuir iha inundasaun ne’ebe akontese iha loron 4 Abril liu ba, komunidade barak iha Suku Bebonuk ninia sasan hetan estragus husi bee.
Barak mak hetan ona apoiu emerjensia husi governu hanesan fos no aihan balun.

Maibe, nia nafatin preokupa tanba to’o oras ne’e balun seidauk hetan ajuda emerjensia tan deit komunidade sira fo naran ba lider komunitariu tarde.

“SEPS sei nafatin apoiu sasan emerjensia ba iha komunidade ne’ebe mak seidauk hetan apoiu emerjensia,”tenik xefi Serafin. (assa)

About dilipost

Check Also

Komunidade Comoro Selebra Loron Falintil Ho atividade Feira Oioin

DILI Post-Komunidade Suku Komoro, Postu Administrativu Don Aleixo, selebra loron ezistensia Falintil ba dala 46 …

Leave a Reply

Your email address will not be published. Required fields are marked *