Tuesday , June 28 2022

Vizaun Prezidente Biden Nian Ba Indo-Pasífiku

Hakerek husi: Tom Daley, Enkaregadu Negósiu Embaixada EUA

Indo-Pasífiku mak rejiaun dinámiku liu iha mundu no ninia futuru sei afeta ema iha fatin hotu-hotu.

Estadus Unidus orgullu nu’udar nasaun ida husi Indo-Pasífiku no ami deside atu hametin ami nia envolvimentu iha rejiaun ne ‘e, ne’ ebé estende hosi ami nia kosta Pasífiku ba Oseanu Indianu no sai fatin ba liu metade ekonomia mundiál no dois-tersu hosi mundu nian.

Hanesan haktuir husi Ministru Negósiu Estranjeiru Estadus Unidus Antony Blinken katak buat ne ‘ebé akontese iha Indo-Pasífiku sei forma trajetória mundu nian iha sékulu 21.

Prezidente Biden foin lalais ne ‘e fo sai Estratejia Indo-Pasífiku nian hodi hatudu vizaun Estadus Unidus nian ba rejiaun ne’ e ida ne ‘ebé livre no nakloke, ligadu, prósperu, reziliente no seguru.

Elementu sentrál lima ne’ e mak esperansa husi nasaun no povu barak iha Indo-Pasífiku, no ami iha kompromisu atu serbisu hamutuk ho ami-nia parseiru sira inklui Timor-Leste atu halo vizaun ida ne ‘e sai realidade.

Ba dahuluk, ami sei promove Indo-Pasífiku ida neebé livre no nakloke atu problema sira sei rezolve ho abertu, sei konkorda atu aplika regra sira ho transparénsia no justu, transporte merkadoria no espresaun ideia husi ema hotu iha rejiaun nee sei lao ho livre iha raimaran, espasu siber no tasi ho governu sira ne ‘ebé livre husi korrupsaun no responsivu ba povu.

Prinsípiu hirak ne’ e benefisia nasaun hotu-hotu boot ka ki ‘ik no iha relasaun ho prinsípiu demokrátiku ne’ ebé ita-nia nasaun rua fahe ba malu.

Estadus Unidus ho firmi apoia Timor-Leste nia esforsu sira hodi hametin instituisaun demokrátika, promove direitus umanus, halo esforsu sira hodi kontra tráfiku umanu no promove governasaun di ‘ak.

Ita sei kontinua hamutuk ho Governu Timor-Leste, sosiedade sivíl, jornalista sira, no povu Timor-Leste atu defende susesu demokrátiku sira ne’ ebé maka ‘as tebes iha Timor-Leste hodi promove sosiedade ida ne ‘ebé livre no nakloke liután iha rejiaun nee.

Ba daruak, ami sei estabelese ligasaun ne ‘ebé metin liután iha rejiaun ida ne’e no iha rejiaun seluk, atu nune’ e ita serbisu hamutuk hodi rezolve dezafiu sira ne ‘ebé ita partilla.

Estadus Unidus sei kaer metin nafatin ninia apoiu ba ASEAN atu sai sentru arkitetura rejionál iha ámbitu Indo-Pasífiku nian no apoia ASEAN nia papél ne’ebé forte, unifikador no konstrutivu hodi hatán ba kestaun rejionál sira.

Ba ida ne’ e, Estadus Unidus kontinua defende Timor-Leste nia adezaun ba ASEAN, maibe respeita nafatin desizaun ikus husi membru ASEAN sira.

Ami nia ligasaun la ‘ós de’ it liga ami nia governu maibe mós sai ponte ligasaun ba ami nia povu.

Liuhosi programa Fulbright, Programa Bolsu Estudu USTL no Young Southeast Asian Leaders Initiative (YSEALI), ami apoia ona lideransa Timor-Leste liu 300 atu dezenvolve koñesimentu, abilidade, no harii ligasaun sira nian iha Sudeste Aziátiku no iha Indo-Pasífiku sai luan liu tan atu habelar nasaun ne ‘e nia prosperiedade no oportunidade.

Datoluk, ita sei promove prosperidade ba ema hotu, atu nune’ e la iha tan nasaun ida iha sékulu 21 nia kotuk. Investimentu diretu estranjeiru husi Estadus Unidus iha Indo-Pasifiku hamutuk liu biliaun $969 iha 2020 no kuaze dobru iha dékada hirak ikus ne’e. Estadus Unidus komprometidu atu halo parseria ho Timor-Leste hodi avansa dezenvolvimentu ekonómiku.

Dezde 2001, ami kontribui ona liu millaun $250 ba asisténsia dezenvolvimentu liu husi USAID, ho foku ba oinsa diversifika ekonomia no dezenvolvimentu setór privadu hodi habelar prosperidade ekonómika no oportunidade ba sidadaun Timoroan sira. USAID lidera hela inisiativa boot barak atu habelar kresimentu ekonómiku inkluzivu liuhosi haforsa agrikultura, turizmu, dezenvolvimentu akuakultura, no ekonomia dijitál.

Da-haat, ita sei ajuda harii Indo-Pasífiku ida ne ‘ebé reziliente liu hasoru pandemia COVID-19 no krize klimátika.

Dezde inisiu pandemia ne’ e, Estadus Unidus Amérika fornese ona vasina Pfizer doze 200,000 – vasina ida ne ‘ebé seguru no efikás liu, liuhosi COVAX no liu millaun $5.9 iha asisténsia krítiku ba Timor-Leste hodi ajuda hakotu pandemia ne’ e, salva vida no hametin seguransa saúde iha tempu naruk.

Kontribuisaun hirak ne ‘e fo’o ho gratuita no laiha kustu ida ba Timor-Leste no laiha intensaun seluk – no ida ne’e nu’ udar parte ida husi ami-nia esforsu globál atu halakon pandemia ne ‘e.

Atu responde ba ameasa mudansa klimatika, USAID apoia hela projetu sira hanesan Evita sunu plástiku, proteje ambiente tasi Atauru nian, hasae pratika agrikultura bazeia ba klima no proteje fonte bee liuhosi kuda ai-horis iha Oecusse.

Inisiativa sira nee hotu tulun atu responde ba impaktu mudansa klimatika no haforsa adaptasaun no reziliénsia klimátika.

Ikus liu, ami sei hametin seguransa Indo-Pasífiku. Ho parseira Forsa Defesa Timor-Leste nian F-FDTL no Polisia Nasional, ita servisu hamutuk atu hametin ita nia abilidade hodi kolabora.

Ami mos apoia kriasaun komponente Aerea F-FDTL nian atu hasae Timor-Leste ninia abilidade atu monitoriza ninia territóriu marítima, responde ba dezastre naturais no promove dezenvolvimentu ekonómiku.

Aniversáriu Restaurasaun Independénsia Timor-Leste nian ba dala 20 iha tinan ida ne ‘e marka mós estabelesimentu relasaun diplomátika entre Estadus Unidus no Timor-Leste iha dékada rua liubá.

Reflesaun sira kona-ba progresu notavel sira ne’ ebé ita halo ona hodi hakle ‘an liután ita-nia amizade, avansa ita-nia parseria bilaterál, no kria oportunidade sira, fo hanoin hikas ba ha’ u konaba ita nia jurnada hamutuk durante tinan 20 ikus ne’ e.

Progresu ida ne ‘e la’ ós parte ki ‘ik ida, tanba ita-nia relasaun nia fundasaun metin ho valór oin-oin ne’ ebé fahe ona, inklui , sinseridade, transparénsia no inkluzaun.

Valore hirak ne ‘ebé fahe ne’ e mós kontribui ona ba dinamizasaun no susesu husi Indo-Pasífiku.

Dezenvolve no sustenta rejiaun ba jerasaun sira tuir mai, hamutuk ho parseiru sira, ita bele reforsa rejiaun ne’e hodi hasoru dezafiu sira sékulu 21 nian no kontinua buka oportunidade ba Indo-Pasífiku ne’ebé progresivu liu. (**)

About dilipost

Check Also

HABURAS SISTEMA DEMOKRASIA LA BELE ADOPTA TULA LIMAN

Hosi: Moisés Vicente Analiza kona-bá kandidatu Prezidente Repúblika (PR) ba períodu tinan 2022-2027. Iha sistema …

Leave a Reply

Your email address will not be published.