Thursday , June 17 2021

VMI Apela Komandu PNTL Atu Kontrola Membru Sira Kuidadu Uza Armas

DILI Post – Vise Ministru Interior (VMI) Antonio Armindo apela ba Komando Jeral no Komando Munisipiu sira atu kontrola rigorozu membru sira atu kuidadu uza arma ho kuidadu bainhira hala’o servisu.

Antonio Armindo Hato’o asuntu ne’e relasiona ho regulamentu disiplinár PNTL iha neba sita ona kualkér membru polísia fora hosi oras servisu labele lori arma.

“Ha’u hanoin responsável másima hosi instituisaun PNTL mos alerta bebeik ba membru sira kona-ba mekanizmu uza arma maibe husu nafatin atu kada Komandu tenke kontrola diak” dehan Governante ne’e hafoin remata enkontru Konsellu Ministru iha edifísiu Ministeriu Finansas, Aitarak-Laran, Kuarta,(09/06).

Nia realsa tan membru PNTL hotu tenki kumpri mekanizmu uza arma no laiha ema ida maka lori armas ba uma, dader mai tuir formatura hotu tiha maka foin ba rezistu hodi foti armas iha armazen.

Tanba iha parlamentu nasional deputadu sira levanta mós kestaun ne’e husu atu Komandu Jeral hamutuk ho Konsellu Superior PNTL atu halo avaliasaun jeral liga ho kazu ne’ebe akontese iha iha aldeia Ainitas-hun, suku Lahane Osidentál.

Atu kumpre regra utilizasaun arma, ne’ebe haktuir iha despaixu nº 290/CG-PNTL/IX/2016, iha rekomendasaun ne’e hateten katak, PNTL presija kumpre no implementa norma ba uza arma iha PNTL, hanesan despaixu nº290/CG-PNTL/IX/2016, Pontu B, proibidu ka labele lori ka utiliza arma bainhira la hala’o servisu. (Niki)

About dilipost

Check Also

Ema Deskunesidu Oho Joven Ida Iha Maumali-Ritabou

DILI Post-Ema deskunesidu oho joven ida ho naran Costodio Antonio de Fatima Pascoal iha area …

Leave a Reply

Your email address will not be published. Required fields are marked *